Вясна

Вясна – пяшчоты светлай ранне.

Вясна – пачатак адкрыцця.

Таго, што сонейкам загляне

I спелым росквiтам жыцця.

Заўсёды вечнай I жаданай

Яна прыходзiць з-за лясоў.

У гэты час ты ўвесь адданы

Яе разлiву галасоў.

Яе бяздонню i iмгненню,

Чароўнай сiле маладой,

Iмклiвым снам i летуценням,

Што ў свет прыходзяць чарадой.

Спяшаюць з новым днем сустрэцца

I сэрца ўраз запаланiць…

Вясны чароўнае дасвецце,

Нiчым у свеце не спынiць.