Дзіўны свет

(фота аўтара)

Іскрыцца крыштальная жырандоля.

Чуецца гуд галасоў у партэры.

Аншлаг у ложах, балконах пад столлю.

Кроў хвалюецца зноў у артэрыях.

Скрыпка спявае ў аркестравай яме.

Голас свой чысты спрабуе і флейта.

І у складаную ўжыўшыся гаму,

Кларнет напявае гукам адметным.

Але вось кулісы адкрылі сцэну.

Музыка ў зале прыціхлай чаруе.

Душа лунае ад сотняў адценняў

Мелодый, што асалоду даруюць.

І зноў аддаюць нам акцёры сэрцы,

Змяняюць на нашы свае пачуцці,

Наноў адчыняюць людзям дзверцы

У дзіўны свет, хараства дакрануцца.