Раскажы...

(фота аўтара)

Раскажы мне аб ветлівым моры,

Аб прылівах і сонечных бліках.

Там бакланы спрачаюцца гучна

І ва ўласных губляюцца крыках.

Там плыве над вадой белы ветразь

На мяжы са святла і сінечы.

І нябёсаў шаўковая завесь

Лашчыць хвалі марскія адвечна.

Раскажы пра мелодыю ветра,

Аб дэльфінах і шуме прыбоя.

Там у цьмяных, нязведаных нетрах

Жэмчуг матавы ёсць пад вадою.

Там далоні твае дораць ласку

І вачам я здаюся без бою.

І каханне – сапраўдная казка,

Акунуся ў яе з галавою.