ИСТОРИЯ РОССИИ (последнее)
Документы по истории России до XVIII в. - Послания Иосифа Волоцкого (1490-1515 гг.)
Актуальные публикации по вопросам истории России.
Послание Иосифово к великому князю Ивану Васильевичю на еретика Кленова Государю великому князю Ивану Васильевичю всея Русии нищий твой, господине, грешный чернец Иосиф з братьею челом бью.
Что еси, государь, прислал в монастырь Пречистые к нам еретика Семена Кленова, да и его речи еретическиа написаны, что он мудръствовал, а велел еси его дръжать в монастыре, ино государь, о том есмя обрадовалися были вси, что еси показал ревность о благочестивей и православней християнстей вере, как прежний святии православнии христианстии царие, а ныне, государь, сказали нам, что еретиков по манастырем шлеш, ино, государь, нам нынешняя скорбь много горши первые, занеже, государь, миряном ползу твориш, а иноком погибель. А в писании, государь, того нет, кое еретиков по монастырем посылать: на всех, государь, соборех по проклятии еретиков посылали в заточение, да сажали по темницам, а не в монастыри посылали их. И который въсхощет покаятися, моему возможно и в темници каятися: в скорбех бо и бедах и во юзах паче услышит бог кающихся сердцем сокрушенным и смиренным.
Мнози, государь, и православнии християне впадали в согрешения, да как почели каитися о своих гресех, и они на себя клали сами - иной вериги железны, а иной чепь на себе положил, а иной, государь, велел себя в погребе приковать чепью. И коли, государь, захотели каятися истинно от сердца, и оне себе не пощедели, а и согрешение их было не толь тяжко, да сами на муки себе предовати произвели. А нынешний, государь, еретики сами не производили каятися, - как ты, государь, почел их казнити смертными казнями, да и торговыми, и они, государь, почели каятися мук деля, а не Бога ради, и как еси потщался очистить святую Божию церковь от еретических скверн, так бы еси, государь, и о монастырех милость покозал, чтобы не погибли от еретическаго зла.
А яз тебе, государю моему, нищий твой з братьею, челом бью, и должни есмя Бога молити о твоем здравии и спасении.
Отрывок из послания Великому князю
Занеже, государь, по подобию небесныа власти дал ти есть небесный царь скипетр земнаго царствиа силы да человекы научиши правду хранити, и еже на ны бесовское отженеши желание. Якоже кормьчий бдит всегда, тако и царьски многоочиты твой ум сьдрьжит твердо добраго закона правило, иссушаа крепко безакониа потокы, да корабль всемирныа жизни, сиречь всеблагаго царствиа твоего, не погрязнет волнами неправды. Отврьзи, государь, царьскиа своа уши, в нищете стражющему, да обрящеши Божий слух себе отверзень и Божиими присно просветившеся зарями богодарованнаа твоа слава царскаа и бесконечныа векы славится и забвение имущих выше устроает. Якоже страшное и всевидящее око небеснаго царя всех человек сердца зрит и помышление веси, такоже и царское твое остроумие болшу имат всех силу: изрядне управиши благое свое царствие, и страшен будеши сана ради и власти царскиа и запретиши не на злобу обращатися, но на благочестие. Солнцу свое дело светити лучами всю тварь, царя же добрыадетели еже миловати нишаа и обидныа. Светлийши же того благоверный царь: солнце заходит приатием нощи, сей же не попущает восхищен быти злым, но светом истинным обличает тайнаа неправды. Елико силою всех превышьше еси, толма и делы подобает ти светити. Того ради и от Бога похвален будеши и от добросмышлених прославен и с венцем непобедимаго твоего царствиа имеа венець, еже на нищих милость. Риза есть не обетщающиа милостыня одежда, нетленно одеание, якоже к нищим любы хотящему благоверно царствовати, таковыми одеании душу украсити и небеснаго царствиа сподобити, благочестивое ваше царство милостынями огражено и молитвами усыновлено непобедимо бывает вражьими оружии.
Подобает же ти, благочестивий царю всяк тщаниа и о благочестии имети и сущих под тобою о треволнениа спасати, душевна и телесная, и душевное бо есть треволнение еретичьское учение, телесное же есь треволнение - татьба и разбойничество, хищение, и неправда, и обиды, и прочаа злаа дела, иже убо телесне врежають, а не душевые.
Ты же убо, о дръжавнм царю, и скыпетр царствиа приим от Бога блюди, како угодиши давшему ти то, не токмо бо о себе ответ даси ко господу, но еже и инии зло творят, ты слово отдаси Богу, волю дав им. Царь убо естеством подобен есть всем человеком, а властию же подобен есть вышняму Богу. Но якоже Бог хощет всех спасти, такоже и царь все подручное ему да хранит, яко да Божию волю сътворив, приимеши от Бога присносущное радование и воцаришися с ним во векы радуася.
Послание Василию III о еретиках
Послание старца Иосифа к великому князю Василью на еретики Господарю великому князю Василью Ивановичю всея Руси грешный чернец Иосиф, нищей твой, со священники и з братиею вси соборне со слезами челом бием.
Бога ради, господарь, и Пречистыа Богородицы, пожалуй, и попецыся, и промысли о Божественых церквах и о православной вере хрестьянстей и о нас, нищих своих и убогих, занежа, государь, от вышнея Божия десница поставлен еси самодержец и государь всея Руси. Глаголет бо Господь Бог пророкам: аз воздвигох тя с правдою царя, и приях тя за руку и укрепих тя. Сего ради слышите, царие и князи, и разумейте, яко от Бога дана бысть держава вам. Вас бо Бог в себе место избра на земли и на свой престол вознес, посади, милость и живот положи у вас. Вам же подобает, приемши от вы повеления правленья человеческаго рода, православным госуарем, царем и князем, не токмо о своих пещися и своего точью жития правити, но и все обладаемое от треволнения спасти и соблюдати стадо его от волков невредимо, и боятися серпа небесного, и не давати воля злотворящимчело веком, иже душю с телом погубляющим: скверныя, глаголю, и злочестивыя еретики. Нам же лепо по царскому твоему остроумию и богопреданней мудрости воспоминати ти яко государю и яко владыце. Ты же, о боговенчанный владыка, яко же преже поревновал еси благочестивому и равноапостольному великому царю Константину, яко же он христианский род в своем царствии из рова преисподнего возведе, темнаго оного и богопротивнаго и втораго Июду, Ария, глаголю, до конца низложи, подобно же тому и ты сътворил еси з боговенчанным самодержцем и государем всея Руси с своим отцем с великим князем Иваном Васильевичем всея Руси. Темных онех и скверных новогородцких еретиков и отступников и жидовская мудрствующих до конца низложил еси с богохульными их предании, православную же и истинную и непорочную христианскую веру поколебавшююся и изнемогшюю от еретических и жидовских учений паки утвердил еси и всех верующих в святую и животворящую троицю сердца возвеселил еси. И якож исперва чистая и непорочная християнская вера по апостольских и Богоутверженых преданиих во всех наших церквах боголепно и благообразно цветет и проповедуетца.
Да ныне аще ты, государь, не подщишися и не подвигнешися о сих, не утолиши скверных еретик, темное их еретическое учение, ино, государь, погибнути всему православному християнству от еретических учений, яко ж и прежа много царства погибоша сим образом: Ефиопское великое царство, и Армейское, и Римское, иже много лета пребыша в православной вере християнстей, тако погибоша. Прихожаху бо преже немнози еретицы втай царствия и прелыцаху преже нищая человеки и убогия, потом же и благородныя, потом же прияша учение их и великия власти. Во многа жа лета вся царства отступиша от соборныя и апостольския церкви и от провославныя християнския веры.
Тако же и Руская великая земля, иже пятьсот лет пребысть в православной вере християнстей, егда ж враг человеческаго спасения диявол приведе скверныа еврея в Великий Новгород отселе за четыредесят лет, преже убо малых в жидовство отведоша, потом жа множество несведомо по всей Рустей земли. И аще бы не ты, государь, показал ревность о православной вере християнстей и любовь Господу Богу и Пречистой Богородици и ненависть к еретиком и казнь на иже жидовская мудроствующих, было бы уже безчисленое множество православных християн в жидовской вере. Аще ли же и ныне, государь, не потщишись. Бога ради и Пречистыя Богородица, как, государь, в первом обыску все ты, государь, обыскал и управил, тако и ныне тебе, государю, подобает о сем попещись, глава бо еси всем. Покажи ревность благочестия твоего, да видят вси царие славу православного царствия твоего. Придет бо ти от сего свет вечный и невечерний в тебе восияет, аще подобно сотвориши первым православным и благочестивым царем. Оне убо на всех соборех не точию епископы и священики еретики бывшая, но и потриярси и митрополиты по проклятии в темницы метаху, и сии никого от православных не прельстиша. А их же вероваху покоянию и даяху им свобожение, сии многа зла сотвориша и многия в ереси отведоша. Занеже, государь, инем нечим тое беды утолити.
Подобно ж тому бысть и в нашей земли Русстей. Самодержец и государь всея Русскыя земля князь великий Иван Васильевич, отец твой, по проклятии еретиков Захара черньца и Дениса попа повеле в темницу воврещи. И сии зле живот свой скончаша, и никого же от православных не прельстиша. А которые, государь, почали каятись, и отец твой, государь, их покаянию поверил и дал им ослабу, и те много неизреченна зла сотвориша и многих православных христьян в жидовство отведоша. Ино, государь, никому невозможно тое беды утолити, разве тобя, государя и самодержца всея Руския земля. И того ради непоколебимо и непревратно соблюдет и сохранит вышняго десница богом поставленое твое царство, самодержавный царю и владыка и с тво-ею благочестивою и великою княгинею. И мирна да будет и многодетна твоя держава и победительна со всеми повинующимись тебе христолюбивыми воинствы и с прочими людьми, да пребывает во веки и во век века во вся дни живота твоего и пропустит в род небесному царьствию сподобит.
Второе послание князю Юрию Ивановичу
Посланье Иосифово князю Юрью Ивановичи) о препитании нищих во время глада Государю князю Юрью Ивановичю грешный чернець Иосиф нищий твой челом бию.
Бога ради, государь, и Пречистые Богородици, пожалуй, попецися и промысли о православном христьянстве, о своем отечьствии. Тебе бо, государю, от Господа Бога дана бысть дрьжава и сила от Вышнего. Тебе бо Господь Бог избра в себе место, постави на твоем отечестве, милость и живот положи у тебе. Тебе же, православному государю, приемшему от вышняго повелениа правленье своего отечествиа, не токмо о своих пещись и своего точью жития правити, но и все обладаемое от треволнениа спасати и съблюдати, и от нужа и скорби и от бед избавляти. Якоже и прежний государи, православнии царие же и князи, первый православный царь равноапостольный Константин, и великий Феодосие, и сынове егоАркадие и Анорие, такоже и благочести-вый царь Маркиан, Иустиниян и Василис Македонянин, отець премудраго царя Лва, и Никифор Фока, и вси благочестивии царие и князи, егда бываше в лета котораго их велика нужа от глада, тогда великое попечение о сих имеяху, яко да не измрут гладом сущий под ними нищий и убозии человеци. И аще который государь имеяше у себе много жита, подаваше неимущим, или продавати веляше недорого и уставляше цену, обговорив з бояры якоже подобаше и заповедь полагаше во всем своем государстве, и запрещение страшно полагаше на преступающих сиа, якоже и ныне сътвори брат твой великий князь Василий Иванович всея Русии. Аще подобно тому и ты, государь, сътвориши в своем государьстве, живиши нищиа и убогиа человеки, занеж, государь, уже многиа ныне люди мрут гладом, а кроме тебя, государя, некому той беде пособити; а инем невозможно той беде пособити, аще не ты, государь, о том попечешися и уставиши цену своим государьским велением, в своем отечестве, и оживиши люди бедныя, и за то приимешь милость от Бога.
И яз, нищий твой, тебе, государю, челом бию, с священники и з братьею, и длъжни Бога молити о твоем здравии и спасении.
Послание Ивану Ивановичу Третьякову
Послание Иосифово к некоему велможе, зазираюшу ему на Иосифа о бывшей брани со архиепископом Серапионом Великаго Новаграда и Пскова
(...) А Божественая правила повелевают царя почитати, не сваритися с ним. Ни древний святители дръзнуша сие сотворити, ни четыре патриарси, ни римский папа бывший на вселенскых и помесных соборех. И аще когда царь и на гнев совратится на кого, - и оне с кротостию и с смирением и со слезами моляху царя. И аще когда прилунится на соборе слово кому святителю с царем или со князем, -преже умолят царя, яко дабы повелел рещи. Егда ж повелеваше царь, глаголаху тогда со смирением и с кротостию от божественых писаний, паче ж от священных правил. (...)
И аз (...) суду бил челом тому государю, которой (...) всем нам, общий государь, ино всея Русский земля государем государь, которого Господь Бог устроил, Вседрьжитель во свое место и посадил на царьском престоле, суд и милость предасть ему и церковьное и монастырское и всего православного християньства всея Руския земля власть и попечение вручил ему. И яз того ради таковаго государя нашел, которого суд не посужается. Глаголеть бо в Божественых правилех, яко царьский суд с святительским судом не посужается ни от кого же в древних летех, ни в нынешних, ни в тамошних странах, ни в нашей Русстей земли, точию един Серапион архиепископ говорил на соборе. (...) А Божественое писание повелевает и простых людей не грабити неповинно.
Глаголеть Божественный Златоуст: и князи и власти милование и заступление и правду покажите на нищих людей господня ради страха, понеже суд жесток бывает на великих, ниже сумнится лица всех владыка, ниже срамляется величия, понеже малого и великого той сотворил, крепким же и сильным—крепко истязание ждет. И аще не сохраните заповеди его, ни судите по правде, ниже по воли Божией ходите, но уповайте на неправду и на восхищение жалаете, сего ради скоро и страшно на вас приидет пагуба.
Зри, что глаголет Божественный Златоуст, яко не сумнится лица всех владыка, ниже срамляется величия, понеже малого и великого той сотвори есть - крепких же и сильных крепко истязание ждеть, аще уповаете на неправду и на восхищение желаете. (...)
Таково осужение бывает, иже простыя человеки обидящим. А иже церкви Божия обидящим, какова погибель будет, на преди о сем напишем. Занеже манастырь и церкви Божие не может повинна быти никогда ж. Аще ли игумен или инок паде в согрешение, и тем воздають по делом их. А того ни в древних царех, ни в князех православных, ни в тамошних странах, ниже в нашей Русстей земли не бывало, что церкви Божия и монастыри грабити, бояхуся бо ся Господа Бога, и иже от священных правил положенные клятвы на обидящих Божия церкви.
Правило святого вселенского собора 5-го 165 святых отец на обидящих святые Божие церкви: иже аще кто явится, неистовствуя на святыя Божия церкви и на священная их власти, даное от Богови в наследие вечных благ и на паметь последнего рода или манастырем даное граблением и насилием дея, отьимаа от них всяко даное, даемое Христови, и аще кто изобрящется се творя безчиние велие и святым церквам, четверицею паки воздаст воспять церковьное, а не покоряюще же ся истинным правилом святых отець, аще воевода - воеводства чюж или воин - воиньетва чюж, и паки аще великим негодованием негодовати начнуть, забывше вышнего страха и оболкшесь в бестудство - повелевает наша власть тех огнем съжжещи, дом же их святым Божиим церквам вдати, их же обидеша. Аще ли и самый венецьносящеи тоя ж вины последовати начнуть, надеющесь богатстве и благородстве, а истоваго не радяще, не отдавающе же, их же обидеша святыя церкви или манастыря, - прежереченной вине да повинни будуть по святых правилех да будуть проклята в сии век и в будущий. (...)
И ты, господине, поразсуди собе, яко не точию власть в землет Бог от иже церковьная и манастырская восхищати желающих, но и душа отъемлет страшными лютыми муками. Сего ради ведый известно Божественая писания великий самодерьжец государь христолюбивый князь великий Василей Васильевич толико попечение имеаше о Божественых церквах и о манастырех, яко ж ни малаго безчестия или обид церковных презрети, но сих отмщати и не попущати сех обидети или бесчествовати. (...)
Правильные бо закони налагают проклятие на обидящих святые Божия церкви и манастыря, якож зде речено есть Божественая писания сице глаголять: подобает убо всем православным христьяном паче ж святителем и священником, вся творити же и глаголати по свидетельству священных правил. А иже в небрежении полагают священаа правила - под клятвою суть.
Глаголеть бо ся в соборе соединения, иже быв при Констентине и Рамане царема; иже в небрежении полагающе священная и Божественная правила Божественных отець наших, иже святую церковь подпирают и все христьянское жительство украшающа Божественному наставляят благоговеинству. Аще от сих кто небрежет - да будет проклят. (...)
И ты, господине, посмотри собе Божественая писания, каково отлучение и неблагословение и не токмо отлучение и неблагословение положи, но и клятву и проклятие на тех, иже в небрежение полагают священная правила. (...)
Что еси, государь, прислал в монастырь Пречистые к нам еретика Семена Кленова, да и его речи еретическиа написаны, что он мудръствовал, а велел еси его дръжать в монастыре, ино государь, о том есмя обрадовалися были вси, что еси показал ревность о благочестивей и православней християнстей вере, как прежний святии православнии христианстии царие, а ныне, государь, сказали нам, что еретиков по манастырем шлеш, ино, государь, нам нынешняя скорбь много горши первые, занеже, государь, миряном ползу твориш, а иноком погибель. А в писании, государь, того нет, кое еретиков по монастырем посылать: на всех, государь, соборех по проклятии еретиков посылали в заточение, да сажали по темницам, а не в монастыри посылали их. И который въсхощет покаятися, моему возможно и в темници каятися: в скорбех бо и бедах и во юзах паче услышит бог кающихся сердцем сокрушенным и смиренным.
Мнози, государь, и православнии християне впадали в согрешения, да как почели каитися о своих гресех, и они на себя клали сами - иной вериги железны, а иной чепь на себе положил, а иной, государь, велел себя в погребе приковать чепью. И коли, государь, захотели каятися истинно от сердца, и оне себе не пощедели, а и согрешение их было не толь тяжко, да сами на муки себе предовати произвели. А нынешний, государь, еретики сами не производили каятися, - как ты, государь, почел их казнити смертными казнями, да и торговыми, и они, государь, почели каятися мук деля, а не Бога ради, и как еси потщался очистить святую Божию церковь от еретических скверн, так бы еси, государь, и о монастырех милость покозал, чтобы не погибли от еретическаго зла.
А яз тебе, государю моему, нищий твой з братьею, челом бью, и должни есмя Бога молити о твоем здравии и спасении.
Отрывок из послания Великому князю
Занеже, государь, по подобию небесныа власти дал ти есть небесный царь скипетр земнаго царствиа силы да человекы научиши правду хранити, и еже на ны бесовское отженеши желание. Якоже кормьчий бдит всегда, тако и царьски многоочиты твой ум сьдрьжит твердо добраго закона правило, иссушаа крепко безакониа потокы, да корабль всемирныа жизни, сиречь всеблагаго царствиа твоего, не погрязнет волнами неправды. Отврьзи, государь, царьскиа своа уши, в нищете стражющему, да обрящеши Божий слух себе отверзень и Божиими присно просветившеся зарями богодарованнаа твоа слава царскаа и бесконечныа векы славится и забвение имущих выше устроает. Якоже страшное и всевидящее око небеснаго царя всех человек сердца зрит и помышление веси, такоже и царское твое остроумие болшу имат всех силу: изрядне управиши благое свое царствие, и страшен будеши сана ради и власти царскиа и запретиши не на злобу обращатися, но на благочестие. Солнцу свое дело светити лучами всю тварь, царя же добрыадетели еже миловати нишаа и обидныа. Светлийши же того благоверный царь: солнце заходит приатием нощи, сей же не попущает восхищен быти злым, но светом истинным обличает тайнаа неправды. Елико силою всех превышьше еси, толма и делы подобает ти светити. Того ради и от Бога похвален будеши и от добросмышлених прославен и с венцем непобедимаго твоего царствиа имеа венець, еже на нищих милость. Риза есть не обетщающиа милостыня одежда, нетленно одеание, якоже к нищим любы хотящему благоверно царствовати, таковыми одеании душу украсити и небеснаго царствиа сподобити, благочестивое ваше царство милостынями огражено и молитвами усыновлено непобедимо бывает вражьими оружии.
Подобает же ти, благочестивий царю всяк тщаниа и о благочестии имети и сущих под тобою о треволнениа спасати, душевна и телесная, и душевное бо есть треволнение еретичьское учение, телесное же есь треволнение - татьба и разбойничество, хищение, и неправда, и обиды, и прочаа злаа дела, иже убо телесне врежають, а не душевые.
Ты же убо, о дръжавнм царю, и скыпетр царствиа приим от Бога блюди, како угодиши давшему ти то, не токмо бо о себе ответ даси ко господу, но еже и инии зло творят, ты слово отдаси Богу, волю дав им. Царь убо естеством подобен есть всем человеком, а властию же подобен есть вышняму Богу. Но якоже Бог хощет всех спасти, такоже и царь все подручное ему да хранит, яко да Божию волю сътворив, приимеши от Бога присносущное радование и воцаришися с ним во векы радуася.
Послание Василию III о еретиках
Послание старца Иосифа к великому князю Василью на еретики Господарю великому князю Василью Ивановичю всея Руси грешный чернец Иосиф, нищей твой, со священники и з братиею вси соборне со слезами челом бием.
Бога ради, господарь, и Пречистыа Богородицы, пожалуй, и попецыся, и промысли о Божественых церквах и о православной вере хрестьянстей и о нас, нищих своих и убогих, занежа, государь, от вышнея Божия десница поставлен еси самодержец и государь всея Руси. Глаголет бо Господь Бог пророкам: аз воздвигох тя с правдою царя, и приях тя за руку и укрепих тя. Сего ради слышите, царие и князи, и разумейте, яко от Бога дана бысть держава вам. Вас бо Бог в себе место избра на земли и на свой престол вознес, посади, милость и живот положи у вас. Вам же подобает, приемши от вы повеления правленья человеческаго рода, православным госуарем, царем и князем, не токмо о своих пещися и своего точью жития правити, но и все обладаемое от треволнения спасти и соблюдати стадо его от волков невредимо, и боятися серпа небесного, и не давати воля злотворящимчело веком, иже душю с телом погубляющим: скверныя, глаголю, и злочестивыя еретики. Нам же лепо по царскому твоему остроумию и богопреданней мудрости воспоминати ти яко государю и яко владыце. Ты же, о боговенчанный владыка, яко же преже поревновал еси благочестивому и равноапостольному великому царю Константину, яко же он христианский род в своем царствии из рова преисподнего возведе, темнаго оного и богопротивнаго и втораго Июду, Ария, глаголю, до конца низложи, подобно же тому и ты сътворил еси з боговенчанным самодержцем и государем всея Руси с своим отцем с великим князем Иваном Васильевичем всея Руси. Темных онех и скверных новогородцких еретиков и отступников и жидовская мудрствующих до конца низложил еси с богохульными их предании, православную же и истинную и непорочную христианскую веру поколебавшююся и изнемогшюю от еретических и жидовских учений паки утвердил еси и всех верующих в святую и животворящую троицю сердца возвеселил еси. И якож исперва чистая и непорочная християнская вера по апостольских и Богоутверженых преданиих во всех наших церквах боголепно и благообразно цветет и проповедуетца.
Да ныне аще ты, государь, не подщишися и не подвигнешися о сих, не утолиши скверных еретик, темное их еретическое учение, ино, государь, погибнути всему православному християнству от еретических учений, яко ж и прежа много царства погибоша сим образом: Ефиопское великое царство, и Армейское, и Римское, иже много лета пребыша в православной вере християнстей, тако погибоша. Прихожаху бо преже немнози еретицы втай царствия и прелыцаху преже нищая человеки и убогия, потом же и благородныя, потом же прияша учение их и великия власти. Во многа жа лета вся царства отступиша от соборныя и апостольския церкви и от провославныя християнския веры.
Тако же и Руская великая земля, иже пятьсот лет пребысть в православной вере християнстей, егда ж враг человеческаго спасения диявол приведе скверныа еврея в Великий Новгород отселе за четыредесят лет, преже убо малых в жидовство отведоша, потом жа множество несведомо по всей Рустей земли. И аще бы не ты, государь, показал ревность о православной вере християнстей и любовь Господу Богу и Пречистой Богородици и ненависть к еретиком и казнь на иже жидовская мудроствующих, было бы уже безчисленое множество православных християн в жидовской вере. Аще ли же и ныне, государь, не потщишись. Бога ради и Пречистыя Богородица, как, государь, в первом обыску все ты, государь, обыскал и управил, тако и ныне тебе, государю, подобает о сем попещись, глава бо еси всем. Покажи ревность благочестия твоего, да видят вси царие славу православного царствия твоего. Придет бо ти от сего свет вечный и невечерний в тебе восияет, аще подобно сотвориши первым православным и благочестивым царем. Оне убо на всех соборех не точию епископы и священики еретики бывшая, но и потриярси и митрополиты по проклятии в темницы метаху, и сии никого от православных не прельстиша. А их же вероваху покоянию и даяху им свобожение, сии многа зла сотвориша и многия в ереси отведоша. Занеже, государь, инем нечим тое беды утолити.
Подобно ж тому бысть и в нашей земли Русстей. Самодержец и государь всея Русскыя земля князь великий Иван Васильевич, отец твой, по проклятии еретиков Захара черньца и Дениса попа повеле в темницу воврещи. И сии зле живот свой скончаша, и никого же от православных не прельстиша. А которые, государь, почали каятись, и отец твой, государь, их покаянию поверил и дал им ослабу, и те много неизреченна зла сотвориша и многих православных христьян в жидовство отведоша. Ино, государь, никому невозможно тое беды утолити, разве тобя, государя и самодержца всея Руския земля. И того ради непоколебимо и непревратно соблюдет и сохранит вышняго десница богом поставленое твое царство, самодержавный царю и владыка и с тво-ею благочестивою и великою княгинею. И мирна да будет и многодетна твоя держава и победительна со всеми повинующимись тебе христолюбивыми воинствы и с прочими людьми, да пребывает во веки и во век века во вся дни живота твоего и пропустит в род небесному царьствию сподобит.
Второе послание князю Юрию Ивановичу
Посланье Иосифово князю Юрью Ивановичи) о препитании нищих во время глада Государю князю Юрью Ивановичю грешный чернець Иосиф нищий твой челом бию.
Бога ради, государь, и Пречистые Богородици, пожалуй, попецися и промысли о православном христьянстве, о своем отечьствии. Тебе бо, государю, от Господа Бога дана бысть дрьжава и сила от Вышнего. Тебе бо Господь Бог избра в себе место, постави на твоем отечестве, милость и живот положи у тебе. Тебе же, православному государю, приемшему от вышняго повелениа правленье своего отечествиа, не токмо о своих пещись и своего точью жития правити, но и все обладаемое от треволнениа спасати и съблюдати, и от нужа и скорби и от бед избавляти. Якоже и прежний государи, православнии царие же и князи, первый православный царь равноапостольный Константин, и великий Феодосие, и сынове егоАркадие и Анорие, такоже и благочести-вый царь Маркиан, Иустиниян и Василис Македонянин, отець премудраго царя Лва, и Никифор Фока, и вси благочестивии царие и князи, егда бываше в лета котораго их велика нужа от глада, тогда великое попечение о сих имеяху, яко да не измрут гладом сущий под ними нищий и убозии человеци. И аще который государь имеяше у себе много жита, подаваше неимущим, или продавати веляше недорого и уставляше цену, обговорив з бояры якоже подобаше и заповедь полагаше во всем своем государстве, и запрещение страшно полагаше на преступающих сиа, якоже и ныне сътвори брат твой великий князь Василий Иванович всея Русии. Аще подобно тому и ты, государь, сътвориши в своем государьстве, живиши нищиа и убогиа человеки, занеж, государь, уже многиа ныне люди мрут гладом, а кроме тебя, государя, некому той беде пособити; а инем невозможно той беде пособити, аще не ты, государь, о том попечешися и уставиши цену своим государьским велением, в своем отечестве, и оживиши люди бедныя, и за то приимешь милость от Бога.
И яз, нищий твой, тебе, государю, челом бию, с священники и з братьею, и длъжни Бога молити о твоем здравии и спасении.
Послание Ивану Ивановичу Третьякову
Послание Иосифово к некоему велможе, зазираюшу ему на Иосифа о бывшей брани со архиепископом Серапионом Великаго Новаграда и Пскова
(...) А Божественая правила повелевают царя почитати, не сваритися с ним. Ни древний святители дръзнуша сие сотворити, ни четыре патриарси, ни римский папа бывший на вселенскых и помесных соборех. И аще когда царь и на гнев совратится на кого, - и оне с кротостию и с смирением и со слезами моляху царя. И аще когда прилунится на соборе слово кому святителю с царем или со князем, -преже умолят царя, яко дабы повелел рещи. Егда ж повелеваше царь, глаголаху тогда со смирением и с кротостию от божественых писаний, паче ж от священных правил. (...)
И аз (...) суду бил челом тому государю, которой (...) всем нам, общий государь, ино всея Русский земля государем государь, которого Господь Бог устроил, Вседрьжитель во свое место и посадил на царьском престоле, суд и милость предасть ему и церковьное и монастырское и всего православного християньства всея Руския земля власть и попечение вручил ему. И яз того ради таковаго государя нашел, которого суд не посужается. Глаголеть бо в Божественых правилех, яко царьский суд с святительским судом не посужается ни от кого же в древних летех, ни в нынешних, ни в тамошних странах, ни в нашей Русстей земли, точию един Серапион архиепископ говорил на соборе. (...) А Божественое писание повелевает и простых людей не грабити неповинно.
Глаголеть Божественный Златоуст: и князи и власти милование и заступление и правду покажите на нищих людей господня ради страха, понеже суд жесток бывает на великих, ниже сумнится лица всех владыка, ниже срамляется величия, понеже малого и великого той сотворил, крепким же и сильным—крепко истязание ждет. И аще не сохраните заповеди его, ни судите по правде, ниже по воли Божией ходите, но уповайте на неправду и на восхищение жалаете, сего ради скоро и страшно на вас приидет пагуба.
Зри, что глаголет Божественный Златоуст, яко не сумнится лица всех владыка, ниже срамляется величия, понеже малого и великого той сотвори есть - крепких же и сильных крепко истязание ждеть, аще уповаете на неправду и на восхищение желаете. (...)
Таково осужение бывает, иже простыя человеки обидящим. А иже церкви Божия обидящим, какова погибель будет, на преди о сем напишем. Занеже манастырь и церкви Божие не может повинна быти никогда ж. Аще ли игумен или инок паде в согрешение, и тем воздають по делом их. А того ни в древних царех, ни в князех православных, ни в тамошних странах, ниже в нашей Русстей земли не бывало, что церкви Божия и монастыри грабити, бояхуся бо ся Господа Бога, и иже от священных правил положенные клятвы на обидящих Божия церкви.
Правило святого вселенского собора 5-го 165 святых отец на обидящих святые Божие церкви: иже аще кто явится, неистовствуя на святыя Божия церкви и на священная их власти, даное от Богови в наследие вечных благ и на паметь последнего рода или манастырем даное граблением и насилием дея, отьимаа от них всяко даное, даемое Христови, и аще кто изобрящется се творя безчиние велие и святым церквам, четверицею паки воздаст воспять церковьное, а не покоряюще же ся истинным правилом святых отець, аще воевода - воеводства чюж или воин - воиньетва чюж, и паки аще великим негодованием негодовати начнуть, забывше вышнего страха и оболкшесь в бестудство - повелевает наша власть тех огнем съжжещи, дом же их святым Божиим церквам вдати, их же обидеша. Аще ли и самый венецьносящеи тоя ж вины последовати начнуть, надеющесь богатстве и благородстве, а истоваго не радяще, не отдавающе же, их же обидеша святыя церкви или манастыря, - прежереченной вине да повинни будуть по святых правилех да будуть проклята в сии век и в будущий. (...)
И ты, господине, поразсуди собе, яко не точию власть в землет Бог от иже церковьная и манастырская восхищати желающих, но и душа отъемлет страшными лютыми муками. Сего ради ведый известно Божественая писания великий самодерьжец государь христолюбивый князь великий Василей Васильевич толико попечение имеаше о Божественых церквах и о манастырех, яко ж ни малаго безчестия или обид церковных презрети, но сих отмщати и не попущати сех обидети или бесчествовати. (...)
Правильные бо закони налагают проклятие на обидящих святые Божия церкви и манастыря, якож зде речено есть Божественая писания сице глаголять: подобает убо всем православным христьяном паче ж святителем и священником, вся творити же и глаголати по свидетельству священных правил. А иже в небрежении полагают священаа правила - под клятвою суть.
Глаголеть бо ся в соборе соединения, иже быв при Констентине и Рамане царема; иже в небрежении полагающе священная и Божественная правила Божественных отець наших, иже святую церковь подпирают и все христьянское жительство украшающа Божественному наставляят благоговеинству. Аще от сих кто небрежет - да будет проклят. (...)
И ты, господине, посмотри собе Божественая писания, каково отлучение и неблагословение и не токмо отлучение и неблагословение положи, но и клятву и проклятие на тех, иже в небрежение полагают священная правила. (...)
Опубликовано 30 октября 2006 года
Новые статьи на library.by:
ИСТОРИЯ РОССИИ:
Комментируем публикацию: Документы по истории России до XVIII в. - Послания Иосифа Волоцкого (1490-1515 гг.)
подняться наверх ↑
ССЫЛКИ ДЛЯ СПИСКА ЛИТЕРАТУРЫ
По стандарту ВАК Республики Беларусь
Стандарт используется в белорусских учебных заведениях различного типа.
По ГОСТу Российской Федерации
Для образовательных и научно-исследовательских учреждений РФ
Прямой URL на данную страницу для блога или сайта
Предполагаемый источник
Полностью готовые для научного цитирования ссылки. Вставьте их в статью, исследование, реферат, курсой или дипломный проект, чтобы сослаться на данную публикацию №1162195105 в базе LIBRARY.BY.
подняться наверх ↑
ПАРТНЁРЫ БИБЛИОТЕКИ рекомендуем!
подняться наверх ↑
ОБРАТНО В РУБРИКУ?
Уважаемый читатель! Подписывайтесь на LIBRARY.BY в VKновости, VKтрансляция и Одноклассниках, чтобы быстро узнавать о событиях онлайн библиотеки.
Добавить статью
Обнародовать свои произведения
Редактировать работы
Для действующих авторов
Зарегистрироваться
Доступ к модулю публикаций