Вы здесь:
Рефераты и курсовые по философии
Дэмакратыя ў Амэрыцы. Уплыў рэлігійных вераваньняў на палітычнае жыцьцё ў Злучаных Штатах (на белорусском)
Вера лепш за ўсё навучае амэрыканцаў мастацтву жыць вольнымі, менавіта тады, калі зусім не кажа пра свабоду. У Злучаных Штатах існуе мноства цэркваў. Усе яны розьняцца формамі пакланеньня перад Творцам, але маюць адзіную думку да абавязкаў людзей у дачыненьні адзін да аднога. Кожная царква па свойму пакланяецца Богу, але ўсе яны прапаведуюць адну і тую ж мараль у імя Божае. Усе цэрквы ў Злучаных Штатах зьяўляюцца адгалінаваньнямі хрысьціянскае рэлігіі, а хрысьціянская мараль паўсюль адзіная. <...>
Амэрыка застаецца той часткай сьвету, дзе хрысьціянская рэлігія ў найбольшай ступені захавала сапраўдную ўладу над душамі людзей. І гэта краіна, дзе рэлігія аказывае ў нашы дні найвялікшы ўплыў, зьяўляецца ў той жа час самай асьвечанай і свабоднай. Немагчыма больш пераканальна давесьці, наколькі рэлігія карысная й натуральная для чалавека. <…>
Калі б духоўная дзейнасьць не была нічым абмежаваная, сярод іх (амерыканцаў), безумоўна, знайшліся б самыя сьмелыя ў сьвеце наватары і рэфарматары, якія б ніколі не адступалі ў сваім імкненьні будаваць жыцьцё грамадзтва толькі паводле законаў лёгікі. Аднак у Амэрыцы рэвалюцыянэры вымушаны з падкрэсьленай павагай ставіцца да хрысьціянскай маралі і справядлівасьці. І калі гэтыя законы супярэчаць іх задумам, то ім зусім ня лёгка пераступіць празь іх, і нават калі б ім удалося перамагчы сумневы, яны не змаглі б пераадолець ваганьняў сваіх прыхільнікаў. Да гэтага часу ніхто ў Злучаных Штатах не насьмельваўся выказаць думку аб тым, што ўсё дазволена дзеля дабра грамадзтва. Гэта блюзьнерская ідэя нарадзілася ў век свабоды, мабыць для таго, каб апраўдаць будучых тыранаў.
Так, калі закон дазваляе амэрыканскаму народу рабіць усё, што яму будзе заўгодна, то рэлігія ставіць заслону шмат якім ягоным задумам і памкненьням. Таму рэлігію, якая ў Злучаных Штатах ніколі непасрэдна ня ўмешваецца ў кіраваньне грамадзтвам, належыць лічыць першым палітычным інстытутам гэтай краіны. Бо, хоць яна і не ўзмацняе імкненьне людзей да свабоды, яна значна палягчае жыцьцё свабоднага грамадзтва. <…>
Пад час майго прабываньня ў Злучаных Штатах на паседжаньні суду прысяжных у акрузе Чэстэр (штат Нью-Ёрк) адзін сьведка заявіў, што ня верыць у Бога і ў несьмяротнасьць душы. Судзьдзя адмовіўся прывесьці яго да прысягі, зважаючы на тое, што, як ён сказаў, сьведка падарваў усялякую веру ў свае словы. Газэты паведамілі аб гэтым факце без камэнтараў.
У сьвядомасьці амэрыканца хрысьціянства і свабода пераплятаюцца так цесна, што ён амаль ня можа ўявіць сабе першага без другога. Для яго гэтая сувязь не зьяўляецца чымсьці пазбаўленым зьместу, тым, што прыйшло зь мінулага ў сёньняшняе, чымсьці, што здавалася б, не жыве, а марнуецца ў глыбіні душы.
Мне даводзілася сустракаць амэрыканцаў, якія аб’ядноўвалі свае высілкі і сродкі дзеля таго, каб паслаць у новыя заходнія штаты сьвятароў з мэтай адчыніць там школы і пабудаваць цэрквы. Яны вельмі асьцерагаюцца, што рэлігія можа загубіцца ў лясах, і тады народ, якога там становіцца ўсё больш, не зможа быць такім жа свабодным, як той, зь якога ён вядзе сваё паходжаньне. Я сустракаў багатых жыхароў Новай Англіі, якія пакінулі свае родныя ваколіцы і паехалі на берагі Місуры ці ў прэрыі Ілінойсу, каб пасеяць там насеньне хрысьціянства і свабоды. Такім чынам, у Злучаных Штатах рэлігійнае падзьвіжніцтва заўсёды грэецца агнём патрыятызму. <…> “Усе амэрыканскія штаты залежаць адзін ад аднаго, скажуць вам, і калі б у заходніх штатах узьніклі анархія ці дэспатычны рэжым, то рэспубліканскія ўстановы, што квітнеюць на берагах Атлянтычнага акіяна, таксама падпалі б пад вялікую небясьпеку. Таму мы зацікаўлены ў тым, каб рэлігія была моцная ў новых штатах. У гэтым разе яны дазволяць нам жыць свабоднымі”. <…>
Не свабода, але дэспатызм можа існаваць бязь веры. Рэспубліцы вера патрабуецца значна больш, чым манархіі, а дэмакратычнай рэспубліцы – больш, чым якой-небудзь іншай. Няўжо грамадзтва зможа пазьбегнуць пагібелі, калі пры аслабленьні палітычных сувязяў маральныя сувязі ня будуць умацоўвацца? І як можна кіраваць свабодным народам, калі ён не паслухмяны Богу?
Комментарии:
ИНФОРМАЦИЯ ПО РЕФЕРАТУ:
СТУДЕНТАМ! Уважаемые пользователи нашей Коллекции! Мы напоминаем, что наша коллекция общедоступная. Поэтому может случиться так, что ваш одногруппник также нашел эту работу. Поэтому при использовании данного реферата будьте осторожны. Постарайтесь написать свой - оригинальный и интересный реферат или курсовую работу. Только так вы получите высокую оценку и повысите свои знания.
Если у вас возникнут затруднения - обратитесь в нашу Службу заказа рефератов. Наши опытные специалисты-профессионалы точно и в срок напишут работу любой сложности: от диссертации до реферата. Прочитав такую качественную и полностью готовую к сдаче работу (написанную на основе последних литературных источников) и поработав с ней, вы также повысите ваш образовательный уровень и сэкономите ваше драгоценное время! Ссылки на сайт нашей службы вы можете найти в левом большом меню.
ВЕБ-ИЗДАТЕЛЯМ! Копирование данной работы на другие Интернет-сайты возможно, но с разрешения администрации сайта! Если вы желаете скопировать данную информацию, пожалуйста, обратитесь к администраторам Library.by. Скорее всего, мы любезно разрешим перепечатать необходимый вам текст с маленькими условиями! Любое иное копирование информации незаконно.
Поиск по БЕЛОРУССКИМ рефератам 
