Хіба на тым залежыць нашае збаўленьне або адпушчэньне грахоў, што мы адзін аднаму адпускаем грахі?

Пытаньне

Адказ

Не на тым. Бо адна толькі ёсьць прычына нашага збаўленьня і прабачэньня нашых грахоў – гэта пакуты і сьмерць Сына Божага Госпада нашага Ісуса Хрыста, паводле слова анёла: «Ён збавіць народ Cвой ад грахоў іхніх» (Мц. 1: 21).

Гэтае ж прабачэньне нашым вінаватым – толькі пэўнасьць і проста знак адпушчэньня нашых грахоў, знак паслухмянасьці. Па тым бо пазнаеш, што чалавек верыць ды спадзяецца на міласьць Божую, калі ён ня помсьціцца за свае крыўды ды прабачае сваім вінаватым. Зноў, хто сваім вінаватым помсьціцца ды ня хоча свайго гневу на іх суцішыць, той сам супраць сябе сьведчыць, што не шукае адпушчэньня грахоў у Бога.