Хіба ані міласьціну даваць ня трэба, ані посьціць?

Пытаньне

Адказ

Не кажу, што ня трэба даваць міласьціну або посьціць. Кожны павінны міласьціну даваць ды посьціць, але няхай не спадзяецца, што дзеля міласьціны або посту Бог прабачыць грахі, — такая надзея памылковая ды вельмі бязбожная. Бо гэта права Самога Сына Божага, толькі дзеля Яго адзінага Бог даруе людзям грахі, бо Сын Божы за іх пакутаваў ды памёр. І дзеля гэтай прычыны анёл даў Яму імя Ісус, значыць, на нашай мове,– Спас, або Збаўца,– Ён бо збавіць народ Свой ад грахоў ягоных (Мц. 1:21). Дзеля таго і Хрысьціцель назваў Яго ягнём, або баранкам, Які на Сябе ўзяў грахі ўсяго сьвету.

Але, каб не казаць шмат, паслухаем, як Апостал Пётр кажа пра Хрыста Карнэлю: «Той Хрыстос устаноўлены Богам судзьдзёю жывых і памерлых. І ўсе прарокі сьведчаць гэта, што кожны, хто верыць у Яго, атрымае адпушчэньне грахоў празь імя Ягонае» (Дзеі 10: 42-43). Таму нікому не адпусьцяцца грахі ані дзеля сваіх, ані дзеля чужых учынкаў дасканалых, акрамя адзінага дасканалага ўчынку Сына Божага.