Хіба нельга было Богу іншым чынам чалавека збавіць?

Пытаньне

Адказ

Праўда, што Бог ад пачатку не такім чалавека стварыў, бо Дух Сьвяты праз Майсея піша: «На Свой вобраз і на Сваё падабенства стварыў Бог чалавека, мужчынай і жанчынай стварыў іх». Значыць, учыніў яго сьвятым, чыстым, справядлівым ды неўміручым, такі бо вобраз Божы.

Аднак чалавек гэты вобраз страціў, бо не паслухаўся дадзенага прыказаньня. Сын Божы хацеў вярнуць чалавеку Божы вобраз – гэта значыць, справядлівасьць ды неўміручасьць. Ён стаўся чалавекам, каб у асобе чалавека прынесьці Богу ахвяру за грэх, які ўчыніў Адам. Бо калі Сын Божы меўся быць Пасярэднікам паміж Богам і чалавекам, патрэбна было, каб быў і Бог, і чалавек.