БАРАЦЬБА ВЯЛІКАГА КНЯСТВА ЛІТОЎСКАГА I РУСКАГА (БЕЛАРУСКА-ЛІТОЎСКАЙ ДЗЯРЖАВЫ) 3 ТЭУТОНСКIМ ОРДЭНАМ У КАНЦЬІ XIV — ПЕРШАЙ ПАЛОВЕ XV ст.

Актуальные публикации по истории и культуре Беларуси.

NEW БЕЛАРУСЬ


БЕЛАРУСЬ: новые материалы (2024)

Меню для авторов

БЕЛАРУСЬ: экспорт материалов
Скачать бесплатно! Научная работа на тему БАРАЦЬБА ВЯЛІКАГА КНЯСТВА ЛІТОЎСКАГА I РУСКАГА (БЕЛАРУСКА-ЛІТОЎСКАЙ ДЗЯРЖАВЫ) 3 ТЭУТОНСКIМ ОРДЭНАМ У КАНЦЬІ XIV — ПЕРШАЙ ПАЛОВЕ XV ст.. Аудитория: ученые, педагоги, деятели науки, работники образования, студенты (18-50). Minsk, Belarus. Research paper. Agreement.

Полезные ссылки

BIBLIOTEKA.BY Беларусь - аэрофотосъемка HIT.BY! Звёздная жизнь


Публикатор:
Опубликовано в библиотеке: 2003-02-16

БАРАЦЬБА ВЯЛІКАГА КНЯСТВА ЛІТОЎСКАГА I РУСКАГА (БЕЛАРУСКА-ЛІТОЎСКАЙ ДЗЯРЖАВЫ) 3 ТЭУТОНСКIМ ОРДЭНАМ У КАНЦЬІ XIV — ПЕРШАЙ ПАЛОВЕ XV ст. У канцы XIV ст. Вялікае княства Літоўскае і Рускае (як яно афіцыйна называлася да сярэдзіны XV ст., калі было дадана і Жамойцкае) з'яўлялася вялікай дзяржавай. Яе межы пашыраліся ад Балтыйскага мора і Мазовіі на захадзе да вярхоўяў Волгі, Разанскага вялікага княства і стэпаў за вытокамі рэк Сеиму, Псёла і Севярскага Данца на ўсходзе, ад Вялікіх Лук і Ржэва на поўначы да ненаселенага Дзікага поля. Суседзямі гэтай вялікай дзяржавы ва Усходняй Еўропе былі: на поўначы Лівонія, Пскоўская і Наўгародская землі, на ўсходзе – Цверскае, Маскоўскае і Разанскае вялікія княствы, на поўдні землі Залатой Арды, якая знаходзілася ў заняпадзе, і Малдавіі, на захадзе – Польшча, Мазовія і Тэўтонскі ордэн. Да 80-х гадоў XIV ст. заканчваўся працэс уключэння беларускіх, значнай часткі украінскіх і вялікарускіх зямель у склад Вялікага княства Літоўскага. У сярэдзіне XIV ст. беларускае Падняпроўе ўвайшло ў склад гэтай дзяржавы (Мсціслаў у 1358 г.), у 60-я гады Кіеўская зямля з яе тады Мазырскай і Брагінскай валасцямі. Кіеўская зямля, украінскія землі былі вызвалены ад татара-мангольскай няволі ў вьініку перамогі беларуска-літоўскага войска пад камандаваннем князя Уладзіміра Альгердавіча ў 1362 г. над войскамі трох татарскіх ханаў у бітве ля Сініх Вод. Каля 1358 г. у склад Вялікага княства Літоўскага і Рускага ўвайшло Бранскае княства, 60-70-я гады XIV ст. – Чарнігава-Севярская зямля. Знешняя палітыка Вялікага княства Літоўскага і Рускага была цесна звязана з сацыяльна-эканамічным і палітычным жыццём дзяржавы. Унутранае развіццё гэтай дзяржавы, з далейшым поступам феадальнага грамадства, патрабавала ад кіруючых вярхоў весці актыўную палітыку ў розных напрамках, бараніць сваю тэрыторыю, забяспечваць яе ад нападаў ворагаў і прадухіляць гэтыя напады або сістэмай саюзаў, або напада-мі на тэрыторыі суседніх дзяржаў. Асаблівасцю знешняй палітыкі Вялікага княства Літоўскага і Рускага было тое, што дзве трэці насельніцтва ўжо ў часы праўлення вялікага князя Гедыміна (1316-1341) складала беларуская народнасць. 3 пашырэннем тэрыторыі ўдзельная вага яе павялічылася. Да гэтага трэба дадаць насельніцтва тагачасных украінскіх зямель (за выключэннем Галіцкай зямлі, г. зн. большаи часткі Заходняй Украіны, якая ў 1352 г. была ўключана ў склад Каралеўства Польскага). Трэба таксама адзначьіць, што знешняя палітыка дзяржавы адпавядала інтарэсам як літоўскіх, так рускiх, а потым і ўкраінскіх феадалаў. Яны выступалі ў паход адзіным войскам. Абарона сваіх зямель была для іх агульная. Асабліва такое адзінства інтарэсаў феадалаў, ды і ўсяго насельніцтва, праяўлялася падчас знішчальных войнаў і пагрозы існаванню дзяржавы, а то і самога насельніцтва, саміх народаў, што жылі ў Беларуска-Літоўскай дзяржаве. Вельмі важнае значэнне для Вялікага княства Літоўскага мелі ягоныя адносіны да Тэўтонскага ордэна, працяглая барацьба з ім. Тэутонскi ордэн, або нямецкі ордэн, узнік у Палесціне 1128 г. падчас крыжовых паходаў на Блізкі Усход. Ордэн, вайскова-духоўная арганізацыя, у першай палов; XIII ст. атрымаў буйньія зямельныя валоданні ў Італііі. Германіі, і ўрэшце мазавецкі князь Конрад запрасіу рыцараў Тэўтонскага ордэна, перадаўшы ім у 1226 г, Хелмінскую зямлю. Першы атрад рыцараў прыйшоў на берагі Віслы ў 1228 г. Конрад хацеў выкарыстаць Ордэн для барацьбы супраць прусаў, якія яшчэ былі язычнікамі, каб спыніць іх набегі на Мазовію і падпарадкаваць іх сваёй уладзе. Тэўтонскі ордэн на працягу 55 гадоў вёў войны з прусамі, матывіруючы гэта неабходнасцю хрышчэння язычнікаў у Прыбалтыцы і падтрымання хрысціянскай веры сярод іх. Фактычна гэтае заваяванне тэрыторыі Прусіі прывяло да знішчэння большай часткі насельніцтва. Тыя, хто засталіся, былі паступова анямечаны. У Прусію, якая захавала назву народа, знішчанага і асіміляванага заваёўнікамі, былі запрошаны перасяленцы-каланісты з Германіі (дваране, гараджане і сяляне), якія давяршылі засваенне гэтай краіны. Такім чынам, да 1283 г. з дапамогай Германіі і Лівонскага ордэна ў Прыбалтыцы (у Лівоніі і Эстоніі) Тэўтонскі ордэн заснаваў сваю рыцарска-духоўную дзяржаву на тэрыторыі ад нізоўяў Віслы да мяжы Літвы на ўсходзе і да Мазовіі на поўдні. Для зямель Польшчы і Літвы стварылася непасрэдная пагроза заваёвы Тэўтонскім ордэнам. Такая ж пагроза была і для беларускіх зямель. Першыя на пачатку XIII ст. сустрэліся з нямецкімі рыцарамі жыхары Полацкай зямлі і полацкіх удзельных княстваў, што ўтварыліся ў землях латгалаў. Тут вёў наступ на землі латгалаў і беларусаў таксама нямецкі рыцарскі Ордэн мечаносцаў, які быў утвораны ў 1202 г. на землях цяперашніх Латвіі і Эстоніі рыжскім біскупам Альбертам фон Буксгёўдэнам і зацверджаны ў 1205 г. рымскім папам. Полацкаму княству – гэтай самай старажытнай беларускай дзяржаве – удалося адбіць наступ нямецкіх рыцараў з поўначы і адгтаяць сваю незалежнасць, але княствы Кукенайс і Герсіка, што былі васальнымі княствамі Полацкай зямлі і дзе княжылі сыны полацкага князя, былі страчаны. Пагроза Полацкай зямлі крыху паменшылася, калі ў 1236 г. Ордэн мечаносцаў пацярпеў сур'ёзнае паражэнне каля Шаўляя ў бітве з літоўцамі. Пасля гэтага Ордэн мечаносцаў аб'яднаўся з Тэўтонскім ордэнам у 1237 г. і стаў ягоным паўночным аддзелам. 3 цягам часу гэты аддзел стаў звацца Лівонскім (нямецкі ордэн у Ліфляндыі) са сваім магістрам і сваёй асобнай арганізацыяй. У XIII-XV стст. ён дзейнічаў разам з Тэўтонскім ордэнам. Другая палова XIII – сярэдзіна XIV ст. – гэта перыяд пастаянных войнаў Вялікага княства Літоўскага з крыжакамі, калі шмат цярпелі ад сістэматычных набегаў (рэйзаў) крыжакоў жамойцкія, літоўскія і беларускія землі. Крыжакі з Прусіі ўсё часцей прыходзілі на гэтыя землі і пранікалі ў глыбіню тэрьіторыі Беларуска-Літоўскай дзяржавы. У першую чаргу Літве пагражаў лёс, які ўжо спаткаў прусаў. Такая ж небяспека стварылася і для беларускіх зямель. У XIV ст. склалася такое становішча, калі вырашалася пытанне, ці наогул будуць існаваць літоўцы і беларусы, ці не будуць яны або знішчаны, або анямечаны, як гэта сталася з прусамі. Нямецкія рыцары нанеслі шэраг буйных паражэнняў літоўцам – у 1349 г. на рацэ Страве, у 1362 г. крыжакі спалілі Коўна, у 1370 г. перамаглі літоўцаў на рацэ Рудаве. У 1382 г. Жмудзь і значная частка літоўскіх зямель былі далучаны да Тэўтонскага ордэна, і такім чынам тэрыторыя Тэўтонскага ордэна і Лівоніі была злучана праз Жамойцію (Жмудзь). У 1384 г. гэты дагавор быў пацверджаны. Адначасова Тэўтонскі ордэн вёў агрэсіўную палітыку ў дачыненні да Польшчы, што аб'ектыўна стварала ўмовы для заключэння пастаяннага дзяржаўнага саюзу паміж Вялікім княствам Літоўскім і Польшчай. Гэтыя абставіны і прывялі да такога дзяржаўнага саюэу. 14 жніўня 1385 г. у беларускім мястэчку Крэве вялікі князь літоўскі і рускі Ягайла (Якаў) у прысутнасці польскіх паслоў выдаў акт аб уніі (саюзе) паміж Вялікім княствам Літоўскім і Рускім, з аднаго боку, і Польшчай – з другога. Ягайла дамовіўся аб уступленні ў шлюб з польскай каралевай Ядзвігай, таму ён станавіўся каралём Польшчы, пераходзіў у каталіцызм і абавязваўся хрысціць па каталіцкаму абраду літоўцаў-язычнікаў, а таксама «землі свае – Літву і Русь да кароны каралеўства Польскага назаўсёды далучыць». Акт Крэўскай уніі не меў характару дзяржаўнага дагавору, а быў толькі пісьмовым абяцаннем, якое раней вусна было дадзена польскаму двару пасольствам вялікага князя літоўскага на чале са Скіргайлам, оратам Ягайлы, у Кракаве. Такім чынам, акт Крэўскай унii быў папярэднім актам пра наступныя адносіны оялікага княства Літоўскага і Польшчы. Акт Крэўскай уніі быў зацверджаны 2 лютага 1386 г. на з'ездзе абодвух бакоў у Любліне і фармальна ўвайшоў у моц. Значэнне Крэўскай уніі ў сферы міжнародных адносін заключаецца ў тым, што яна заклала аснову дзяржаўнаму саюзу і сумеснай барацьбе Вялікага княства Літоўскага і Польшчьі супраць агрэсіі Тэўтонскага ордэна. Далейшыя падзеі ў Вялікім княстве Літоўскім і Рускім (апазіцыя ўдзельных князёў з самой дынастыі Гедымінавічаў, літоўскай і беларускай знаці унітарнай палітыцы Ягайлы і далучэнню да Польшчы, узмацненне ўлады Вітаўта, інтрыгі крыжакоў) прывялі да фактычнага сарвання Крэўскай уніі, хаця яе ніхто не скасаваў. Барацьба значнай групы літоўскіх, беларускіх і ўкраінскіх феадалаў на чале з Вітаўтам, незадаволеных умовамі уніі і не жадаючых ператварэння сваёй дзяржавы ў правінцыю Польшчы, працягвалася с 1389 да 1392 г. Пры гэтым Вітаўт, які быў гародзенскім князем, збег да крыжакоў, заключыў саюзнае пагадненне з Тэўтонскім ордэнам і ў 1390 г. са сваімі атрадамі і з войскам крыжакоў выступіў у паход, каб здабыць Вільню. Там знаходзіўся намеснік і брат Ягаилы-Скіргайла (Іван). У войску крыжакоў знаходзіліся рыцары з іншых еўрапейскіх краін, у тым ліку граф Дэрбі (потым – англійскі кароль Генрых IV). У Вільні знаходзіўся гарнізон з літоўскіх, беларускіх і польскіх воінаў. Крыжакі і Вітаўт са сваімі атрадамі ўзялі ніжні (Крывы) замак, але Віленскага замка ўзяць не змаглі і адступілі ў Прусію. У 1391 г. новы паход крыжакоў і атрадаў Вітаўта таксама скончыўся беспаспяхова. Зімой 1391 г. Вітаўт і яго воіны занялі Гародню і Меднікі. У 1392 г. Вітаўт разарваў саюз з Тэўтонскім ордэнам і 4 жніўня заключыў у Остраве (каля Ліды) пагадненне з Ягайлам, які пайшоў на значныя ўступкі Вітаўту і Вялікаму княству. Вітаўт стаўся намеснікам Ягайлы з шырокімі паўнамоцтвамі, а Ягайла быў ужо вялікім князем намінальна. Пра далучэнне Літвы і Беларусі да Польшчы ўжо не гаварылася. Вялікаму княству Літоўскаму гарантавалася шырокая аўтаномія ва ўнутраных і знешніх справах у дачыненні да Ягайлы. Фактычна яно захавалася як самастойная дзяржава. У той жа час пагадненне захавала Польшчу як моцнага саюзніка на захадзе. Канец XIV ст. адзначаецца далейшым умяшаннем Тэўтонскага ордэна ва ўнутраныя феадальныя спрэчкі у Вялікім княстве Літоўскім і Рускім. Выцяснены з Віцебска Вітаўтам князь Свідрыгайла Алыердавіч (праваслаўны ад нараджэння – Леў, з 1386 г. – Баляслаў) збег у Прусію і з дапамогай Ордэна на працягу некалькіх гадоў ваяваў са сваімі «літоўскімі і рускімі» (г. зн.беларускімі) атрадамі супраць Вітаўта. У 1394 г. атрад крыжакоў на чале з ордэнскім маршалам Вернерам Тэтынгерам, дайшоўшы да Вільні, Наваградка, Ліды і «зрабіўшы значныя спусташэнні... зганяе мноства палонных абодвага полу і зводзіць іх у Прусію». Ваенныя дзеянні супраць крыжакоў працягваліся з пераменным поспехам і ў наступныя гады. Пастаянныя нашэсці (рэйзы), спусташэнне зямель Беларуска-Літоўскай дзяржавы, супярэчнасці паміж Вітаутам і літоўскай і беларускай знаццю, з аднаго боку, Ягаилам і польскімі феадаламі, з другога (бо польскія феадалы прэтэндавалі на Падолію), усё гэта прывяло Вітаута да думкі заключыць з Тэўтонскім ордэнам мір. У прэлімінарньім (папярэднім) мірньім дагаворы ад 23 красавіка 1398 г. Вітаўт, без ведама Ягайлы, не толькі заключыў мір з крыжакамі, але замацаваў за імі Жамойцію. Заключэнне дагавору сведчыла пра намаганні буйных феадалаў Вялікага княства Літоўскага i Рускага цалкам разарваць дзяржаўную унію з Польшчай. Адначасова Вітаўт развязваў сабе рукі для правядзення актыўнай палітыкі на ўсходзе. Аднак Жамойція не згадзілася на канчатковае падпарадкаванне крыжакам і паўстала. Вітаўт вымушаньі быў змяніць знешнепалітычны курс і дапамагчы жамойтам. Да гэтага таксама прычыніліся напады на тэрьіторыю Вялікага княства тэўтонскіх і лівонскіх рыцараў, няўдача ў палітыцы Вітаўта на поўдні, дзе ў 1399 г. татары разграмілі войска Вялікага княства Літоўскага на рацэ Ворскле. Вітаўт і кіруючыя колы Вялікага княства Літоўскага зноў заключылі унію з Польшчай, акт якой быў падпісаны 18 студзеня 1401 г. у Вільні літоўска-беларускімі і 11 сакавіка ў Радаме польскімі феадаламі (кароннай радай). Паводле ўмоў гэтай уніі, абедзве дзяржавы абавязваліся дзейнічаць разам супраць ворагаў і ва ўсялякіх цяжкіх абставінах. Пацвярджаліся правы Вітаўта пажыццёва на самастойнае кіраванне дзяржавай пры захаванні намінальных вярхоўных правоў Ягайлу. Віленска-Радамская унія была кампрамісным пагадненнем, падпісаным у сувязі з істотнай небяспекай з боку Тэўтонскага ордэна. Вялікае княства Літоўскае і Рускае захавала сваю палітычную адасобленасць. Вайсковыя паходы нямецкіх рыцараў на Літву і ваенныя дзеянні войск Вялікага княства Літоўскага ў адказ працягваліся і ў наступныя гады. Так, у восень 1401 г. адзін з крыжацкіх атрадаў напаў на Коўна, другі на Гародзенскую зямлю. Крыжакі спусташалі і палілі вёскі, выводзілі ў Прусію палонных. У лютым 1402 г. магістр Ордэна зноў зрабіў напад на Гародзенскую зямлю, забраўшы 400 палонных. Быў зроблены напад і з Лівоніі. А ў маі 1402 г. літоўскія і жамойцкія атрады захапілі Клайпеду і іншыя пагранічныя замкі, спалілі іх, а насельніцтва ўзялі з сабой у Літву. У сваю чаргу ўлетку 1402 г. крыжакі дайшлі да Меднікаў і Ашмянаў. Замкаў не здабылі, але край бьіў спустошаны. У канцы 1402 г. Вітаўт спаліў Рагнету, а ў красавіку 1403 г. нават захапіў Дынабург (Даўгаўпілс) і Юрбарг, аднак крыжакі ўзялі Мерэч і спустошылі ваколіцы Трок. Паколькі і на ўсходзе Беларуска-Літоўская дзяржава вяла ваину, то прыйшлося Вітаўту весці мірныя пера-гаворы з крыжакамі пры пасрэдніцтве польскага караля Уладзіслава (Ягайлы). 22 мая 1404 г. бьіў падпісаны ў Рацёнжу мір. Вітаўт пацвярджаў Салінскі дагавор 1398 г. Гэта значыць, што Жамойція захавалася ў руках. У 1408 г. быў падпісаны мір з Вялiкiм князем Васілём I. У 1409 г. у Жамойціі, што знаходзілася пад кіраваннем нямецкага войта, узнялося паўстанне, якое Вітаўт падтрымаў. Ягайла і польскія феадалы таксама сталі на бок паўстанцаў. Ягайла прапанаваў Ордэш вьірашыць спрэчныя пытанні трэцейскім судом і запатра. баваў, каб рыцары не нападалі на Жамойцію. Тьім самьці было пастаўлена пад сумненне юрыдычнае права Тэўтонскага ордэна на Жамойцію. Пасольства Ягайлы да магістра (1409 г.) заявіла, што ў выпадку іх непрыняцця Польшча падтрымае Вялікае княства Літоўскае і Рускае. У адказ на гэта вялікі магістр Тэўтонскага ордэна Ульрых фон Юнгінген заявіў, што ён пачне у такім выпадку вайну з Польшчай. Фармальна яна была аб'яўлена вялікім магістрам у сталіцы ордэнскіх зямелі Мальбарку (Марыенбургу) 6 жніўня 1409 г. і ўручана грамата пра гэта польскаму каралю ў Корчыне 15 жніўня, Так пачалася «вялікая вайна» паміж Тэўтонскім ордэнан, з аднаго боку, Польшчай і Вялікім княствам Літоўскім і Рускім, з другога. У снежні 1409 г. Ягайла і Вітаўт сустрэліся ў Берасці. Там быў распрацаваны план летняй кампаніі 1410 г., заснаваны на аб'яднанні польскага вайсковага вопыту з беларуска-літоўскай і татара-мангольскай стратэгіяіі і тактыкаи. Быў выбраны тэатр ваенных дзеянняў з Мазовіяй як асновай вайсковай аперацыі; план прадуг-леджваў паход на сталіцу Ордэна – Марыенбург і правядзенне рашаючай бітвы на ордэнскай тэрыторьіі з мэтай знішчэння ўсіх узброеных сіл Ордэна, а потым заключэнне выгаднага міру з асабленнем дзяржавы крыжакоў. Жамойція лічылася другарадным тэатрам вайсковых дзеянняў, і там былі пакінуты нязначныя вайсковыя сілы. На пачатку ваенных дзеянняў войскі Вітаўта за некалькі тыдняў ачысцілі Жамойцію ад рыцарскіх гарнізонаў. Адбываліся ваенныя дзеянні і ў Польшчы на мяжы з Ордэнам. У верасні 1409 г. вайсковыя аперацыі былі спыненыя на нейкі час і бьіло падпісана перамір'е, якое мела моц да дня святога Яна Хрысціцеля (24 чэрвеня 1410 г.). Рашаючай кампаніяй «вялікай вайньі» была летняя кампанія 1410 г. У гэтай кампаніі ўдзельнічала галоўная армія Тэўтонскага ордэна пад камандаваннем галавы Ордэна вялікага магістра Ульрыха фон Юнгінгена. Яна складалася з 51 харугвы агульным лікам 21 тысяча конных рыцараў, 6 тысяч пехацінцаў і артылерыстаў, а таксама мела каля 5 тысяч чэлядзі ў абозе. Армія крыжакоў была лепш узброена і мела баявы вопыт. У ордэнскую армію прыбылі рыцары і наёмнікі з Германіі, Англіі, Францыі, Швейцарыі і іншых краін Еўропы. Армія саюзнікаў – польская і Вялікага княства Літоускага налічвала 31 500 чалавек, не лічачы ўзброенай чэлядзі ў абозе, як польскай, так і літоўска-беларускай, артылерыстаў і татарскіх атрадаў з Літвы. Саюзнікі пастроіліся ў 3 лініі на фронце ў 2 кіламетры на поўдзень ад Таненберга да Людвігсдорфу. На левьм крыле саюзнага войска стаялі польскія харугвы, правае крыло складалі харугвьі войска Вялікага княства Літоўскага і татарская конніца. Пры гэтым у цэнтры, ля правага флангу польскіх харугваў, стаялі віленская, троцкая і 3 смаленскія харугвы. Конніца Вялікага княства Літоўскага і Рускага складалася, як і польская, з феадалаў – баяраў (як тады яны называліся на Беларусі, Украіне і ў Літве), і з ваенна-служылых людзей-баяраў путных, а не з усіх жыхароў дзяржавы (гэта было не ўсеагульнае апалчэнне). Таму войска было не вялікім. У складзе войска былі і стральцы – лучнікі і простыя воіны – пехацінцы. Вітаўт быў намінальным камандуючым, яго намеснікам – вядомы палкаводзец князь Сымон Лугвен Альгердавіч. Камандавалі групамі харугваў Манівід, Пётр Гаштольд, князь Іван Жэдзявід, а татарамі – хан Джэлал-Эддзін. Крыжакі зрабілі тое самае, але потым, каб пашырыць фронт да 2,5 кіламетра, перастроіліся ў дзве лініі паміж Грунвальдам і Таненбергам. Перад крыжацкай конніцай была пастаўлена пяхота і артылерыя (бамбарды), а на самым перадзе – выкапаныя ямы, зверху прыкрьітьія фашынамі і прысыпаныя зямлёй, каб стрымаць атаку конніцы праціўніка. У дзевяць гадзін раніцы 15 ліпеня 1410 г. адкрылася першая лінія – лёгкая конніца Вялікага княсгва Літоўскага на левым фланзе крыжакоў, дзе стаяла 15 хаоугваў на чале з вялікім маршалам Фрыдрыхам фон Валенродам. Частка ж войска Вітаўта засталася ў рэзерве. У бой уцягнуліся нямецкія сільі.Частка літоўска-беларускай кавалерыі трапіла ў паеткіямы, дзе многія атрьімалі раненні або загінулі. Але агульны націск гэтай конніцы быў такі моцны, што ўдалося захапіць бамбарды крыжакоў. У бой уступілі другая і трэцяя лініі войска Вялікага княства Літоўскага. На працягу цэлай гадзіны адбываўся бой паміж лёгкай конніцай Вітаўта і цяжкай конніцай крыжакоў. Пад націскам свежых сіл крыжакоў лёгкаконныя атрады Вітаўта адступілі да Любенскага возера. Гэта была звычайная тактыка літоўска-беларускіх і татарскіх атрадаў – змучыць цяжкую конніцу ворага нібыта пагоняй, парушыць яго баявыя парадкі, а потым вярнуцца на поле бою. Астатнія атрады войска Вялікага княства Літоўскага і Рускага працягвалі бітву побач з польскім войскам, якое стрымлівала, а потым атакавала галоўныя сілы крыжакоў. Асабліва напружана разгортвалася бітва на левым крьіле арміі Вітаўта ля стыку з польскім войскам. Тут пад камандаваннем мсціслаўскага князя Сымона Лугвена Альгердавіча мужна змагаліся тры смаленскія харугвы. Астатні момант гэтага бою М. Стрыйкоўскі апісаў так: «Смаленшчане хоць адзін гуф сваіх страцілі. Аднак жа ў двух гуфах з Палякамі збраціліся». правым флангам рыцараў. Быў момант, калі ўпаў вялікі каралеўскі сцяг. Рыцары, тыя, што наступалі на польскае войска, і тыя, што вярнуліся з пагоні за лёгкай конніцай Вітаўта, ужо рыхтаваліся святкаваць перамогу. Але польскія харугвы разам з войскам Вітаўта працягвалі весці зацяты бой. У бітву былі ўведзены новыя польскія атрады, якія знаходзіліся ў рэзерве. Да іх далучыліся атрадьі Вітаўта, якія вярнуліся на поле бою. Гэтыя сілы акружылі і знішчылі частку нямецкіх рыцараў, якія вярнуліся з пагоні за літоўскімі атрадамі. Над полем боя гучаў радасны крык саюзнікаў: «Літва вяртаецца!» Тым не менш гэта быў крытычны момант. У апошняй фазе Крыжацкі рыцар у кірасе, капаліне, з павязай, дзідай і мечам. Саюзнікі ахоплівалі галоўныя сілы крыжакоў. У баі адзін з простых воінаў Вітаўта, наблізіўшыся да вялікага магістра Ульрыха фон Юнгінгена, усадзіў сваю рагаціну ў шыю магістра і скінуў яго з каня. Смерць Ульрыха фон Юнгінгена акрыліла саюзнікаў. Шэсць крыжацкіх харугваў на чале з вялікім шпітальнікам Вернерам фон Тэтынгеыам кінуліся ўцякаць. Сотні рыцараў здаваліся ў палон. Былі забіты кіраўнікі і палкаводцы Ордэна Ульрых фон Юнгінген, вялікі маршал Фрыдрых фон Валенред, вялікі камтур Куна фон Ліхтэнштэйн, загінулі амаль усе камтуры і войты Тэўтонскага ордэна. Астаткі крыжацкага войска пасля шасці-гадзіннага бою пачалі хутка адыходзіць да ўмацаванага лагера – Вагенбурга, а шмат хто ў паніцы ўцякаў з поля бою. У сем гадзін вечара 15 ліпеня 1410 г. бітва пад Грунвальдам скончылася ўзяццем польскай і літоўска-беларускай пяхотай вагенбурга, раскінутага на палях ля Грунвальда, і поўным разгромам Тэўтонскага ордэна. Лічыцца, што ў гэты дзень загінула 18 тысяч нямецкіх рыцараў-крыжакоў, воінаў і абознай чэлядзі, а 14 тысяч было ўзята ў палон. Былі захоплены ўсе бамбарды і 52 крыжацкія харугвы, выратавалася крыху болей за 1400 чалавек. Палітычнае значэнне Грунвальдскай бітвы яшчэ большае. Была спынена агрэсія крыжакоў на Польшчу, Беларусь і Літву. Набегі нямецкіх рыцараў на беларускія і літоўскія землі былі фактычна спынены. Для гэтых народаў праблема захавання была вырашана. Цяпер ім не пагражала фізічнае знішчэнне альбо анямечванне. У эканамічным жыцці Вялікага княства Літоўскага таксама наступіў пералом. Былі адкрыты шляхі праз Балтыйскае мора з еўрапейскімі гандлёвымі гарадамі, што паўплывала на гаспадарчае развіццё тэрыторый, бліжэйшых да Балтыйскага мора. Пасля Грунвальдскай бітвы пачаўся палітычны ўпадак Тэўтонскага ордэна, які ўжо не здолеў заимаць такое міжнароднае становішча, як раней. Аднак вялікая перамога ля Грунвальда не была выкарыстана. Саюзнае войска, замест таго каб ісці на Рдэнскую сталіцу Марыенбург, два дні заставалася на месцы, збіраючы здабьічу, перапісваючы палонных i хаваючы целы забітых, 17 ліпеня саюзнае войска паишло на Марыенбург, аднак камтур Генрых фон Плауэн, які знаходзіўся з трохтысячным войскам у іншым месцы, заняў сталіцу і падрыхтаваўся да абароны. 25 ліпеня пачалася аблога Марыенбурга, але вынікаў яна не дала, бо набліжалася восень і шляхта, як мага хутчэй, хацела вярнуцца дадому, у свае маёнткі. Таму Ягайла 19 верасня зняў аблогу. У выніку перагавораў 1 лютага 1411 г. у Торуні быў заключаны мір, паводле якога Тэўтонскі ордэн павінен быў вярнуць Польшчы Добжынскую зямлю, вяртаў Ягайлу і Вітаўту Жамоицію, але толькі ў іх пажыццёвае ўладанне, і выплачваў пераможцам – Ягайлу і Вітаўту – 100 тысяч коп грошай пражскіх кантрыбуцыі. Гэта было намнога менш таго, на што разлічвалі пераможцы. Ужо ў вайсковым лагеры пры асадзе Марыенбурга кароль Уладзіслаў II (Ягаяла), разлічваючы заха-піць усе землі Ордэна, спецыяльным актам перадаў Вітаўту і Вялікаму княству Літоўскаму і Рускаму ўсход-нія землі прусаў разам з Кёнігсбергам (Караляўцом) і Жамойцію да самага Балтыйскага мора. Такім чынам, Торунскі мір не мог задаволіць абодва бакі – і саюзнікаў, і Тэўтонскі ордэн. Абодва бакі рьіх-таваліся да вайны. Напружанае становішча захоўвалася далей. У такіх умовах Польшча і Вялікае княства Літоўскае і Рускае пайшлі на ўзнаўленне дзяржаўнага саюза, што было таксама адным з вынікаў Грунвальд-скай перамогі. Аднак Вітаўт намагаўся ліквідаваць свае васальныя адносіны з польскім каралём і дамогся гэтага. 2 кастрычніка 1413 г. у замку Гародла на Заходнім Бугу (недалёка ад Замосця) на з'ездзе феадалаў Польшчы і Вялікага княства Літоўскага і Рускага была заклю-чана новая, Гарадзельская унія, якая захавала асобную дзяржаўнасць Беларуска-Літоўскай дзяржавы са сваім вялікім князем Вітаўтам, але пад верхавенствам польскага караля як вярхоўнага князя літоўскага і рускага. У 1414 г. зноў паўтарыўся вайсковы канфлікт паміж Польшчай і Вялікім княствам, з аднаго боку, і Тэўтонскім ордэнам, з другога. Польска-літоўскае войска напала на ордэнскую тэрыторыю ў Прусіі і заняло некалькі гарадоў, у тым ліку Алленштэйн, Нідбург і Крэйцбург, асадзіла Брадніцу, але з дапамогаи папскага легата Польшча і Вялікае княства Літоўскае заключылі мір з крыжакамі. Падчас гэтай кампаніі крыжакі ўзялі ў палон літоўскага маршала Бутрыма і аднаго з камандзіраў літоўска-беларускага войска «Мікіту, шляхетнага чалавека». Ягайла і Вітаўт вым.ушаны былі заключыць мір бо на ўкраінскія землі ішоў Эдыгей, эмір Белай Арды, i трэба было бараніць Кіеў. У 1415 г. была спооба з боку Ягайлы і Вітаўта заключыць новьі мірны дагавор з Тэўтонскім ордэнам, але крыжакі патрабавалі вярнуць Жамойцію, таму перагаворы скончыліся нічьім. Таксама і ў 1418 г. такія ж перагаворы былі без поспеху. Паколькі з Тэутонскім ордэнам працягваліся канфлікты (крыжакі рабілі невялікія набегі на прьігранічныя землі Польшчы і Літвьі), то ў ліпені 1419 г. зноў польска-літоўскае войска пайшло ў Прусію, але бітвы не адбылося. Пры дапамозе папскага легата было падпісана перамір'е на адзін год. Меркавалася, што тэрытарыяльныя справы будуць вьірашаны трэцейскім суддзёй – імператарам Рымскай імперыі (германскім) Жыгімонтам. 6 студзеня 1420 г. Жыгімонт вынес сваё рашэнне: Жамойція, Судовія (Занёманская Літва), Гданьскае Памор'е, Хэлмінская і Міхалоўская землі назаўсёды належаць Тэўтонскаму ордэну. Ягайла і Вітаўт адразу ж падалі пратэст. Польшча і Вялікае княства Літоўскае ў чэшскай сваёй палітыцы сталі на бок гусітаў і супраць імператара. На сустрэчы Ягайлы і Вітаўта ў Аранах у лютым 1421 г. было вырашана пачаць новую вайну супраць Тэўтонскага ордэна, каб адпаведна далучыць Жамойцію да Літвы, а польскія землі на захадзе, якія знаходзіліся ў дзяржаве крыжакоў, да Польшчы. I Польшча, і Вялікае княства Літоўскае і Рускае 14 ліпеня 1422 г. аб'явілі вайну Тэўтонскаму ордэну. У канцы ліпеня 1422 г. абодва саюзнікі рушылі на Прусію. Польскае і літоўскае войскі занялі некалькі крэпасцей і спусташьілі тэрыторыю Прусіі. М. Стрыйкоўскі адзначыў, што ў войску Вітаўта былі воіны з усіх частак Беларуска-Літоўскай дзяржавы. У ягонай хроніцы раздзел пра гэты паход так і называецца - «ваенная выправа Ягаилы з палякамі, а Вітаўта з Літвой, з Жмуддзю і з Руссю». У паходзе былі і татарьі з Вялікага княства Літоўскага. Войска Вітаўта бьіло вялікае, ды і польскае. Толькі ў накірунку на Торунь дзейнічала 16 польскіх харугваў і 16 харугваў «Літвы і Русакоў». Урэшце 27 верасня 1422 г. у возера Мельна бьіў заключаны новы мірны дагавор, паводле якога Тэўтонскі ордэн назаўседы адмаўляўся на карысць Літвы ад Жамойціі, літоўскага Занёмання і амаль ад усёй зямлі яцвягаў. Літва атрымала выхад да Балтыйскага мора у раёне Палангі. Польшча атрымала Нешаўскую зямлю. Аднак Клайпедская зямля і польскае Памор'е заставаліся ў руках нямецкіх рыцараў. Вітаўт не выкарыстаў сваіх магчымасцей для вызвалення ўсіх літоўскіх зямель, а таксама прускіх і латышскіх зямель з-пад прыгнёту крыжакоў. Аднак пазіцыі Тэўтонскага ордэна аслабелі, цяпер ён быў аддзелены ад Лівоніі. Жамойція ўрэшце ўвайшла ў склад Вялікага княства Літоўскага і Рускага. Практычна гэта дало магчымасць Беларуска-Літоўскай дзяржаве, замацаваўшьі за сабой Жамойцію і спыніўшы разам з Польшчай крыжацкую агрэсію, накіраваць увагу на ўсходнюю палітыку, якая дагэтуль займала другараднае становішча. У другой чвэрці XV ст. Вялікае княства Літоўскае і Рускае ўжо не вядзе актыўную антыордэнскую палітыку, хаця Тэўтонскі ордэн захоўваў свае агрэсіуныя інтарэсы і намагаўся ліквідаваць польска-літоўскі дзяржаўны саюз. Са свайго боку Вітаўт у 1425 і 1426 гг. імкнуўся атрымаць вайсковую дапамогу ў вялікага магістра Тэўтонскага ордэна ў паходзе супраць Пскова, з якім у апошнія гады падтрымліваліся добрыя адносіны. Але паколькі ў адносінах да Польшчы Тэўтонскі ордэн не выканаў умоў, імператар Жыгімонт прапанаваў Вітаўту сабраць з'езд манархаў, каб вырашыць спрэчныя пытанні. У студзені 1429 г. на вялікім з'ездзе манархаў Усходняй Еўропьі ў Луцку, на Валыні, разам з імперата- рам германскім, каралём Венгрыі і Чэхіі Жыгімонтам, каралём Польшчы Уладзіславам II (Ягаилам), шматлікімі нямецкімі, сілезскімі і мазавецкімі князямі, маскоўскім, разанскім, цверскім вялікімі князямі, каралём Даніі і Швецыі Эрыкам, ханамі Вялікай ардьі і крымскім, быу і вялікі магістр Тэўтонскага ордэна Пауль фон Русдорф. На з'ездзе імператар і Ягайла прапанавалі Вітаўту каралеўскую карону. А восенню 1430 г. на ўрачыстасць з гэтай нагоды прыехалі ў Вільню не толькі вялікія князі маскоўскі Васіль II (унук Вітаўта), цверскі і разанскі, але і вялікі магістр Тэўтонскага ордэна Пауль фон Русдорф. Аднак справа сарвалася, бо правезці каралеўскую карону ў Вільню не дапусцілі польскія феадалы на чале з 3. Алесніцкім. Яны не жадалі ліквідацыі польска-літоўскай уніі ў тым вьіпадку, калі Вялікае княства Літоўскае і Рускае стане каралеўствам. Такім чынам, карона засталася ў Франкфурце. Вітаўт так і не дачакаўся каралеўскай кароны. Ен памёр 27 кастрычніка 1430 г. у замку ў Троках. Каля яго знаходзіўся кароль польскі Уладзіслаў II (Ягайла). Паводле ўмоў Гарадзельскай уніі 1413 г., пасля смерці Вітаўта, якога ўжо сучаснікі назвалі вялікім, Вялікае княства Літоўскае і Рускае пераходзілада Ягайлы, бо ў Вітаўта сыноў не было. Кароль без ведама польскіх радных паноў, але з ведама паноў рады Вялікага княства, абвясціў «вялікім князем Літвьі і Русі» свайго роднага (малодшага) брата Свідрыгайлу Альгердавіча. У «Хроніцы» Быхаўца пра гэта запісана: «I па смерці Вялікага князя Вітаўта кароль Ягайла прасіў князёў і паноў літоўскіх, абы яны ўзялі сабе брата роджанага князя Свідрыгайла». Гэты выбар выклікаў вялікае незадавальненне сярод польскіх радных паноў, якія былі адхілены ад вырашэння лёсу Беларуска-Літоўскай дзяржавы. У сувязі з польска-літоўскім канфліктам Свідрыгайла адразу ж паслаў да імператара Жыгімонта пасольства, прапануючы саюз і згаджаючыся прыняць каралеўскую карону для Літвы і Русі, каб тым самым падкрзсліць незалежнасць сваёи дзяржавы ад Польшчы. Аднак і на гэты раз каралеўская карона да Вільні не дайшла. Паводле чутак, яна (або яе копія) была перахоплена польскімі раднымі панамі. Але не атрыманне каралеўскай кароны было галоўным у палітыцы Свідрыгайлы, ва ўмовах польска-літоўскага канфлікту на выпадак ваенных дзеянняў йатрэбна была вайсковая дапамога ад крыжакоў. Таму ў час сустрэчы з вялікім магістрам Русдорфам Свідрыгайла 19 чэрвеня 1431 г. заключыў пагадненне з Тэўтонскім ордэнам аб узаемнаи дапамозе ў тым выпадку, калі адзін з бакоў падвергнецца нападу кагосьці трэцяга. Наступальная ж вайна магла быць абвешчана толькі са згоды другога боку. Сведкамі такога акту бьілі дзесяць найбольш уплововых радных паноў з Літвы і Русі, у тым ліку стрыечны брат вялікага князя і родны брат Вітаўта, князь Жыгімонт Кейстутавіч, слуцкі і капыльскі князь Алелька Уладзіміравіч (пляменнік Свідрыгайлы), дваюрадныя браты польскай каралевы Соф'і, князі Сымон і Міхаіл Гальшанскія, тры каталіцкія біскупы - віленскі "Мацей, жмудскі Мікалай і луцкі Андрэй. Такім чьінам, зварот у палітыцы дзяржавы, які сведчыў аб зацвярджэнні незалежнасці, падтрымалі вярхі свецкіх і духоўных феадалаў. Трэба адзначыць, што ў гэтьі час адбыўся ваенньі канфлікт паміж Польшчай і Вялікім княствам Падолле, куды Польшча паслала свае войскі, але не ўзяўшы Луцк, польскія феадалы вымушаны былi заключыць са Свідрыгайлам перамір'е. Спробы польскіх радных паноў падштурхнуць Свідрыгайлу разарваць саюз з Тэўтонскім ордэнам не далі здавальняючых вынікаў. Каронная рада прапанавала Вялікаму княству новы саюз, але Свідрыгайла адмовіўся ад яго. Тады польскія паны вырашылі пазбавіць Свідрыгайлу трона. Адначасова і ў Літве бьіла арганізавана змова супраць Свідрыгайлы, які ў сваёй унутранай палітыцы ўсё больш абапіраўся на беларускіх і ўкраінскіх феадалаў, раздаючы ім маёнткі і дзяржаўныя пасады. Літоўскія па паходжанні паны і баяры (але і праваслаўныя, і католікі) яшчэ не разумелі неабходнасці пашырэння ўлады за кошт баяраў беларускага і ўкраінскага паходжання (што ўмацоўвала дзяржаву) і па дамоўленасці з палякамі ў ноч на 1 верасня 1432 г. зрабілі спробу забіць Свідрьігайлу ў Ашмянах. Аднак ён здолеў разам з найбліжэйшымі баярамі (усяго 14 коннікаў) уцячы ў Полацк. На чале змовы стаялі брат Вітаўта, старадубскі (з 1420 г.) князь Жыгімонт Кейстутавіч (у 1398 г. князь у Навагрудку, а потым у частцы Севярскай зямлі і Старадубе), князі Сымон Іванавіч Гальшанскі і Алелька Уладзіміравіч, Гаштольд, некалькі іншых паноў. Вялікім князем Літвы і Русі быў абвешчаны ў выніку перавароту Жыгімонт Кейстутавіч. Ен выдаў 15 кастрычніка 1432 г. у Гародні акт, якім абвяшчалася вернасць каралю Уладзіславу Ягайле і кароне польскаи, а таксама пацвярджалася захаванне дзяржаўнай уніі паміж Вялікім княствам і Польшчай. Жыгімонт абавязваўся валодаць дзяржавай пажыццёва і не прэтэндаваць на каралеўскую карону. Ен прызнаваў таксама тытул караля – вярхоўны князь Літвы і Русі. Гэта забяспечыла Жыгімонту падтрьімку Польшчы, адпавядала фактычнаму падзелу улады ў Вялікім княстве Літоўскім, таму што аслабляла уплыў цэнтра. Ягайла прызнаў Жыгімонта вялікім князем пажыццёва. У руках Жыгімонта Кейстутавіча і ягоных прыхільнікаў была толькі частка тэрыторыі Беларуска-Літоўскай дзяржавы з гарадамі Вільня, Трокі, Гародня, Коўна, Берасьце, а таксама Жамойція і Падляшша. А ўсходнія і паўднёвыя землі знаходзіліся ў руках Свідрыгайлы – Валынь, Падолія, Кіеў, Севяршчына, Смаленск, Полацк, Віцебск, Тула, Вязьма, Мсціслаў, Пуціўль, Мцэнск. Пачалася доўгая, шасцігадовая феадальная вайна за трон паміж двума вялікімі князямі Літвьі і Русі – Жыгімонтам і Свідрыгайлам (1432—1438 гг.). Скончылася яна перамогай Жыгімонта. Падчас гэтай феада'льнай вайны, якая праходзіла амаль на ўсёй тэрыторьіі, у Беларуска-Літоўскай дзяржаве бьілі адразу два вялікія князі. Нейкай асобнай Беларускаи дзяржавы ў гэты час не існавала. Дарэчьі, тэрытарьіяльныя падзелы ў Вялікім княстве Літоўскім і Рускім існавалі і раней. Так, у XIV ст. Кейстут і Альгерд кіравалі рознымі часткамі дзяржавы. Кейстут – заходнімі землямі, а Альгерд – усходнімі, але ён лічьіўся вялікім князем. Такое ж становішча бьіло ў 1392 г., калі спачатку ў Літве панавалі Вітаўт і Скіргайла пры перавазе Вітаўта. Феадалы і літоўскага, і беларускага і ўкраінскага паходжання часам змянялі свае пазіцыі, падтрымліваючы то аднаго, то другога вялікага князя. Феадальнае грамадства не імкнулася дзяліць Вялікае княства, яно змагалася за адну дзяржаву. Такую барацьбу няслушна называць паўстаннем Свідрыгайлы, пачынаючы з польскага гісторыка А. Лявіцкага. Гэта была тыповая феадальная вайна, бо ёю кіравалі вярхі пануючага класа, уцягнуўшыя ў аванцюру шырокія кольі тагачаснага грамадства. Яна нагадвала аналагічныя феадальныя войны, амаль сінхронныя, у Маскоўскім вялікім княстве (паміж Васілём II і Шамякаю), у Англіі (вайна Пунсовай і Белай Ружы). Такую ацэнку падзеям даюць і польскія гісторыкі. Прыход да ўлады Жыгімонта Кейстутавіча і ягонае панаванне змянілі адносіны гэтых зямель да Тэўтонскага ордэна. Быў афіцыина разарваны саюз Вялікага княства Літоўскага з Ордэнам, а бліжэйшыя да Прусіі жамойцкія і літоўскія землі занялі варожую пазіцыю да крьіжакоў. У той жа час Свідрыгайла вёў барацьбу супраць уніі Вялікага княства Літоўскага з Польшчай, за незалежнасць адзінай Беларуска-Літоўскай дзяржавы. Пры гэтым Жыгімонт уступау Польшчы Падолле і частку Вальіні, а Свідрыгайла абараняў усю тэрьіторыю дзяржавы. Тэўтонскі ордэн дапамагаў Свідрыгайлу сваімі войскамі, і перш за ўсё лівонскiмі атрадамі. У бітве пад Ашмянамі 9 снежня 1432 г. на баку Свідрыгайльі ўдзельнічалі таксама цверскія і лівонскія атрады. Аднак усе яны бьілі разбіты. У 1433 г. у паходзе Свідрыгайлы на Ірокі ішло войска лівонскіх рыцараў на чале з магістрам утэнбергам. Галоўныя ж сілы Тэўтонскага ордэна не маглі дапамагчы Свідрыгайле, бо былі занятыя адпорам польскаму войску, якое ўварвалася ў Прусію. Такім чынам, Свідрыгайла не мог разлічваць на дапамогу. Тэўтонскі ордэн 15 снежня 1433 г. вымушаны бьц падпісаць з Польшчай 12-гадовае перамір'е, згаджаючыся не садзейнічаць Свідрыгайлу і не ўмешвацца ў вац паміж двума вялікімі князямі – Жыгімонтам і Свідрыгайлам. Заключаючы перамір'е, польская каронная рада раз. лічвала на ўтрыманне падзелу Вялікага княства Літоў. скага паміж двума вялікімі князямі і ўтрыманне занятьц тэрыторый на поўдні, каб больш актыўна ўплываць на ўнутраныя справьі ў Літве. Кароль Уладзіслаў Ягайла ўвесь час, пакуль быў жьівы, падтрымліваў свайго брата Свідрыгайлу. Але Жыгімонт яшчэ больш узмацніў сувязі з Польшчай. 27 лютага 1434 г. Жыгімонт Кейстутавіч падпісаў у Гародні акт злучэння Вялікага княства Літоўскага з Каронай Польскай. Гэта была чарговая унія паміж дзвюма дзяржавамі. А 1 чэрвеня 1434 г. памёр Ягайла, і каралём Польшчы быў абраны яго старэйшьі, 10-гадовы сын Уладзіслаў III. Каб забяспечыць сабе падтрымку праваслаўных баяраў беларускага, украінскага і літоўскага паходжання, Жыгімонт Кейстутавіч 6 мая 1434 г. зраўняў іх правьі з правамі баяраўка-толікаў, дадаўшы ільготьі ў падатках. Многія з іх цяпер пераходзілі на бок Жыгімонта. Вялікая бітва ля Вілкаміра 1 верасня 1435 г., дзе зноў удзельнічалі лівонскія крыжакі на баку Свідрыгайлы, закончылася страшэнным разгромам. Хоць Свідрыгайла і на гэты раз выратаваўся, але ў бітве загінула шмат яго прыхільнікаў, больш дзесятка князёў, амаль усё лівонскае войска разам з магістрам Керскорфам. А 31 снежня 1435 г. Тэўтонскі ордэн падпісаў з Польшчай «вечны» мір, і крыжакі гарантавалі сваё неўмяшанне ў справьі Польшчы і Вялікага княства Літоўскага. Нягледзячы на дапамогу крыжакоў (асабліва лівонскіх) Свідрыгайлу, у пачатку феадальнай вайны Тэўтонскі ордэн падтрымліваў адносіны і з Жьігімонтам Кейстутавічам у 1432 г., але глыбока яны не развіліся. Як толькі Жыгімонт перамог Свідрыгайлу і вымусіў яго ў 1438 г. абмежавацца невялічкім уладаннем у Пакуцці або Малой Валошчыне (Каламыя), якое яму калісьці даў Ягайла, то вялікі князь узйавіў больш цесныя кантактьі з крыжакамі, намагаючыся выкарыстаць іх, каб заняць больш моцную пазіцыю ў адносінах з Польшчай. I калі вялікі магістр Тэўтонскага ордэна, спасылаючыся на дагавор з Польшчай, адмовіўся ад саюзу з Жьігімонтам супраць Польшчы, апошні 5 лютага 1439 г. заключыў у Троках саюз з епіскапам рыжскім і магістрам Лівонскага ордэна, пяцтуючы ўзаемную дапамогу на выпадак вайны і няомалізацыю гандлёвых адносін, асабліва паміж Рыгай і Полацкам. Гэты дагавор захаваў сваю моц і пасля забойства Жыгімонта 20 сакавіка 1440 г. у Троуках выніку чарговай змовы, якой кiравалi князь Iван Чартарыскi, ваяводы віленскі i троцкi Доугiрд i Лелюш. Радныя паны і баяры, без дамоуленасцi з польскiмi панамi, 29 чэрвеня 1440 г. абвясцілі вялікім князем Лiтвы i Русi другога сына Ягайлы, 13-гадовага Казіміра, якога на валі Ягелончыкам. Польска-літоуская дзяржауная унія была разарвана. У першыя гады княжання Казiмiра Вялiкае княства Лiтоускае i Рускае было цалкам незалежнай дзяржавай. У 1447 г. была ўзноўлена унія, але толькі персанальная. Абедзве дзяржавы – Польшча і Беларуска-Літоўскае заставаліся незалежнымі. Яны толькі каардынавалі палітыку, у тым ліку і ў адносінах да Тэўтонскага ордэна. Такім чынам, на працягу вельмі важнага ў гісторыі Літвы і Беларусі перыяду з канца XIV да сярэдзінц XV ст. адносіны паміж Вялікім княствам Літоўскім Рускім і Тэўтонскім ордэнам змяняліся. У XIV ст. яшчэ моцны Тэўтонскі ордэн праводзіў агрэсіўную палітыку ў дачыненні да жамойцкіх, літоўскіх і беларускіх зямель, накіраваную на захоп гэтых зямель, знішчэнне мясцовага насельніцтва. Працяглая барацьба літоўскага і беларускага народаў, якія змагалісі разам супраць смяртэльнай для іх пагрозы, з канца XIV ст. вялася ўжо ў саюзе з Польшчай, якой таксама пагражаў агульны вораг. Кульмінацыяй гэтай барацьбы была перамога ў Грунвальдскай бітве 15 ліпеня 1410 г., якая спыніла агрэсію нямецкіх крыжакоў і выратавала нашы народы ад прыгнёту нямецкіх рыцараў і нават фізічнага знішчэння. I хяця ў першай чвэрці XV ст. яшчз вядзецца вайна з Ордэнам, ён займае ўжо абарончую пазіцыю і праігрывае і дыпламатычную гульню. Спробы ўмяшання ў феадальную вайну 1432-1438 гг. у Вялікім княстве Літоўскім і Рускім ужо слабыя з боку Тэўтонскага ордэна і згубныя для Лівонскага ордэна. Знешнепалітычныя падзеі першай паловы XV ст. вялі да далейшага аслаблення Тэўтонскага ордэна, а ўнутранае развіццё ў яго дзяржаве (стварэнне ў 1410 г. у Прусіі Прускага саюзу нямецкага і польскага дваранства і гарадоў на тэрыторыі Ордэна, накіраванага супраць Тэўтонскага ордэна) у рэшце рэшт аслабіла Ордэн. Падзеі першай паловы XV ст. адбіліся на канчатковым аслабленні Тэўтонскага ордэна і падпарадкаванні яго пасля вайны 1454—1466 гг. Кароне Польскай у якасці васала. Гэта прывяло да канчатковай ліквідацыі якой-небудзь пагрозы з боку нямецкіх рыцараў для Вялікага княства Літоўскага і Рускага. ЛІТАРАТУРА: 1. Грыцкевiч А.П. “Адраджэнне” Гiстарычны альманах. -Мн, Беларусь, 1995 г. 2. “Нарысы гiсторыi Беларусi” у 2-х частках -Мн, Беларусь, 1994 г. 3. Ермаловiч М.I. “Па слядах аднаго мiфа”. -Мн, Беларусь, 1991 г. 4. Ігнатоўскі У.М. “Кароткі нарыс гісторыі Беларусі”. -Мн, Беларусь, 1992 Энцыклапедыя гiсторыi Беларусi.

Новые статьи на library.by:
БЕЛАРУСЬ:
Комментируем публикацию: БАРАЦЬБА ВЯЛІКАГА КНЯСТВА ЛІТОЎСКАГА I РУСКАГА (БЕЛАРУСКА-ЛІТОЎСКАЙ ДЗЯРЖАВЫ) 3 ТЭУТОНСКIМ ОРДЭНАМ У КАНЦЬІ XIV — ПЕРШАЙ ПАЛОВЕ XV ст.


Искать похожие?

LIBRARY.BY+ЛибмонстрЯндексGoogle
подняться наверх ↑

ПАРТНЁРЫ БИБЛИОТЕКИ рекомендуем!

подняться наверх ↑

ОБРАТНО В РУБРИКУ?

БЕЛАРУСЬ НА LIBRARY.BY

Уважаемый читатель! Подписывайтесь на LIBRARY.BY в VKновости, VKтрансляция и Одноклассниках, чтобы быстро узнавать о событиях онлайн библиотеки.