публикация №1291735588, версия для печати

Кляштару брыгітак у Гродне — 375 гадоў + фота


Дата публикации: 07 декабря 2010
Публикатор: S S A (номер депонирования: BY-1291735588)
Рубрика: БЕЛАРУСЬ ИСТОРИЯ БЕЛАРУСИ
Источник: (c) http://www.nn.by


Фундаваны магнатамі Весялоўскімі кляштарны комплекс брыгітак і брыгітан уяўляе сабой унікальны для Беларусі помнік архітэктуры ранняга барока.





25 лістапада (паводле новага летазлічэння) 1634 года ў Гродне маршалак Вялікага княства Літоўскага Крыштаф Весялоўскі і яго жонка Аляксандра заснавалі кляштар брыгітак, помнік архітэктуры ранняга барока.

Да канца XVIII стагоддзя тут жа былі ўзведзеныя каменны касцёл, жылы корпус, агароджа з брамай, гаспадарчыя пабудовы, разбітыя гарод, сад. Асобна стаяла званіца-капэла, якая існавала да пачатку 1960-х гадоў.



З агароджы комплексу ў выглядзе глухой каменнай сцяны з невялікімі шасціграннымі вежамі па кутах, захаваліся толькі дзве. У 1950-80-я гг. кляштар не дзейнічаў, а ў 1992 г. касцёл ізноў быў асвечаны.

Не кожны жыхар гораду звяртае ўвагу на ляпніны, якой аформлены ўваход — гэта даволі цікавая і рэдкая для Беларусі дэталь. Фрыз вакол усяго будынка ўпрыгожаны паласой дэкаратыўнага жывапісу. У архітэктурных дэталях адзначаецца значнае адхіленне ад канонаў класічных формаў, своеасаблівая трактоўка асобных элементаў, якія толькі аддалена нагадваюць формы заходнееўрапейскага барока.

За касцёлам цудам захавалася самы стары драўляны будынак у Беларусі 1630-х гадоў. Збудаваны ён без адзінага цвіка. Яго першае прызначэнне — жытло для манашак-брыгітак. Адносна нядаўна тут было памяшканне бальніцы, дзе вёў прыёмы ўрач-псіхіятр. Зараз памяшканне вызваленае.


Блог Гродно s13

Опубликовано 07 декабря 2010 года


Главное изображение:


Полная версия публикации №1291735588 + комментарии, рецензии

LIBRARY.BY БЕЛАРУСЬ Кляштару брыгітак у Гродне — 375 гадоў + фота

При перепечатке индексируемая активная ссылка на LIBRARY.BY обязательна!

Библиотека для взрослых, 18+ International Library Network