ЭКСКЛЮЗИВ Цыркун Н.А.Рэсурсна-патрэбнасная мадэль канфлікталагічнай кампетэнтнасці кіраўніка ўстановы культуры 5 за 24 часа

Падрыхтоўка сучаснага кіраўніка прадугледжвае не толькі азнаям- ленне з тэарэтычнымі ведамі, але і авалоданне навыкамі эфектыўнага рашэння канфлікталагічных задач. Асаблівай увагі заслугоўвае, на наш погляд, характарыстыка аб’екта, які, як правіла, недастаткова пільна разглядаецца ў навуковых і прыкладных даследаваннях, а таксама ў практыцы рашэння канфлікталагічных задач. Мы разглядаем аб’ект як ключавы элемент канфлікту, паколькі аб’ект — гэта рэсурс, які задавальняе матэрыяльныя і духоўныя патрэбнасці асобы. Калі рэсурс з’яўляецца залішнім, і ўсе патрэбнасці ўдзельнікаў узаемадзеяння задавальняюцца (нават з улікам адкладзенага попыту на рэсурс), то ў суб’ектаў могуць узнікаць цяжкасці ў зносінах, але не канфлікт. Аб’ект валодае такімі ўнікальнымі ўласцівасцямі, як дэфіцытнасць, непадзель- насць, незаменнасць, цана і кошт (як у матэрыяльным, так і ў псіхалагічным сэнсе), непаўторнасць. Галоўнае, што гэты рэсурс неабходны для задавальнення патрэб- насцей хоць бы двух суб’ектаў, якія пачынаюць прэтэндаваць на манапольнае валоданне ім. Менавіта ў гэтым выпадку суб’екты становяцца апанентамі і ўступаюць ва ўзаемадзеянне з мэтай завалодання аб’ектам.