АННОТАЦИЯ:
Сымбалем Радзімы - чарка й шкварка.
Чырвань зь зеленьню лунаюць на сьцягах.
Кожны дзень ў тэлевізары казка
Пра квітнеючы край у сьнягах.

Там сьпяваюць дыфірамбы,
Ў ладкі пляскаюць яму,
Услаўляюць лад заганны,
Памнажаючы ману.

[]

АННОТАЦИЯ:
За вакном сягоньня
Зноўку сьнегапад.
Сыпе, сыпе зь неба
Сьнежны зоркапад.
Кожная сьняжынка,
Бы метэарыт,
Падае да долу,
Толькі не гарыць.
Любая, каханая,
Паглядзі ў вакно,
Ўся зямля накрытая
Белым палатном.

[]

АННОТАЦИЯ: Сьняжынкі-парашуты
Кружляюць за вакном,
Спаміж самотных дрэваў
Шукаючы спакой.
Паверце, шлях няпросты
Зь нябёсаў на зямлю -
Стамлёны пух бялёсы
Кладзецца на ральлю.
І стала белым поле,
І лес па-над ракой -
Сувой зімовы, сьнежны
Снуецца над зямлёй.

[]

АННОТАЦИЯ: ***
Сьнежань. Сьнежна... Сьнегіры...
Сані шпарка ймчацца.
Па узгорках ўздоўж ракі
Завіруха скача.
Зачаруе, замяце
Ў лясох, лугавінах,
Крупой сьнежнай сыпе ў твар,
Бачны шлях адзіны...

[]

АННОТАЦИЯ:
Бярозка струменіць
Лістотаю жоўтай.
Прагноз абяцае нам
Холад і слоту.
Ў краіне - "стабільнасьць",
Бяруць актывістаў -
У многіх ёсьць шанец
Стаць "тэрарыстам".

[]

АННОТАЦИЯ: Жоўтых лісьцяў дажджом
Абсыпаецца восень.
Вецер гоніць
Вандроўнікаў-хмараў табун.
Ўсё даўжэй і даўжэй
Сьпіс нязьдзейсьненых мараў,
Усё менш год ад году
Надзеяў маіх...

[]

АННОТАЦИЯ: Над краем старажытным
Сёньня хмары,
І клёнаў золата
Спакою не дае.
Умольны погляд свой
Ськірую ў неба-мару
І папрашу у Бога
Шчасьця для Цябе,
Мая Краіна,
Я на ўсё гатовы,
Міну ўсе перашкоды і ману,
Бо, калі жыць,
Дык жыць дзеля Радзімы,
А калі не -
Нашто наогул Быць?!

[]

АННОТАЦИЯ: Шапоча вецер
Пажаўцелым лісьцем,
Ў паветры -
Павуцінак лёгкіх лёт,
Ціхмянаю хадою
Крочыць восень -
Вось і заканчваецца
Йшчэ адзін твой год...
Вясна жыцьця
Так хутка прамінула,
І што было-
Таго ня вернеш ты,
Як рэдка
Ўсё даходзіла да ладу,
Як часта
Бачыў вочы злыбяды.

[]

АННОТАЦИЯ: Дажджлівае надвор'е,
Кастрычніцкая слота.
Дождж-імжака,дождж-свавольнік
Ахінуў сабою горад,
Лісьце жоўтае каштанаў
На траве пажухлай мокне...
А здаецца - нібы сонца
Раськідала аскалёпкі.

[]

АННОТАЦИЯ: Восень расьпісала
Лісьце клёнаў барвай.
Прысадамі блукаюць
Летуценьні-мары...
У стройнае бярозкі,
Бы сівізна на скронях,
Жоўтыя лісточкі
Ляцяць долу... Шолах...

[]