Вы здесь:
КУЛЬТУРА И ИСТОРИЯ БЕЛАРУСИ
Пратэстанцкая этыка і праблемы сучаснага гарамадзтва
Першы аспэкт - гэта этычны аспэкт. На мой погляд, існуе найглыбейшая сувязь паміж пратэстанцкай Рэфармацыяй і этыкай. І калі браць аспэкт этыкі, то асабліва яскрава гэта праяўляецца ў этыцы працы. Існуе так званая дактрына пакліканьня, якая зьявілася ў XVI стагодзьдзі дзякуючы намаганьням рэфарматараў. Яе зьяўленьне абумоўлена зьменамі разуменьня Бога. Падобна, што пачынаючы з IV ст. адбылося зьліцьцё грэцкай думкі і хрысьціянскіх ідэяў, і Бог пачаў успрымацца як Істота, Якая аддалена ад сьвету, Якая сузірае. Але рэфарматары адкрылі, што першым пыказаньнем і першым загадам для чалавека было абрабляць гэты сьвет. Напрыклад, у Кнізе Роду 2,15 напісана наступнае: "І ўзяў Госпад Бог чалавека, і пасяліў Яго ў садзе Эдэмскім, каб абрабляць Яго і захоўваць яго". Чалавек быў створаны тут, на гэтай зямлі, для таго, каб абрабляць і захоўваць сад. Такім чынам, чалавек прыходзіць у сьвет, каб упарадкоўваць гэты сьвет, у якім мы жывём. Сьвецкая праца атрымала духовае дабраславеньне, губляецца мяжа паміж духовым і сьвецкім. Пастар царквы і прыбіральніца кожны робіць свой унёсак ва ўпарадкаваньне гэтага сьвету, ва ўвысокародненьне яго. Лютару й Кальвіну належыць разьвіцьцё гэтае канцэпцыі. Кальвін лічыў, што задача кожнага чалавека - знайсьці сваё паліканьне. Бог стварыў нас з пэўнымі схільнасьцямі, талентамі, і наша задача - раскрыць гэтыя таленты, разьвіваць іх і служыць грамадзтву. Апостал Павал у пасланьні да Каласянаў абвяшчаў радыкальныя ідэі. Ён казаў: "Вы, рабы, што знаходзіцеся пад ігам, вы павінны добрасумленна выконваць сваю працу, таму што вы гэтым самым служыце Хрысту". Цалкам рэвалюцыйная ідэя ў І ст. для элінскага сьвету. Раб, які мые адзеньне, служыць Хрысту, гэтак жа, як прапаведнік, які правпаведуе Слова.
Сёньня шмат хто задае пытаньне: "Навошта працаваць, калі мала плоцяць". Пратэстанты адказваюць на яго: "Таму што гэта Божы загад, таму што працуючы, ты выконваеш сваё прызначэньне, таму што ты быў створаны для таго, каб упарадкоўваць гэты сьвет". Таму лянота, нежаданьне працаваць перасьледуюцца ў эвангельскай Царкве. Калі чалавек не працуе некалькі месяцаў, зь ім сустракаюцца й кажуць: "Ты робіш злачынства супраць Бога. Ты не выконваеш свайго прызначэньня".
На мой погляд, мы, эвангельскія цэрквы, можам даць нашаму грамадзтву пратэстанцкую дактрыну працы, якая вынікае з пэўнае тэалёгіі. Мы ў сваіх грамадах вучым маладых людзей: "Вы павінны атрымаць найлепшую адукацыю, стаць найлепшымі спэцыялістамі, таму што ў гэтым воля Божая, таму што Бог жадае, каб вы выявілі свой схаваны патэнцыял і служылі кожны тым дарам, якім Бог вас надзяліў".
Яшчэ адзін аспэкт - гэта агульная этыка. Калі браць вытокі пратэстанцкай этыкі, то, безумоўна, яны зыходзяць ад кальвінства. Самае важнае пытаньне Сярэднявечча, якое задаваў амаль кожны чалавек: "Як мне быць праведным перад Богам? Што мне зрабіць, каб атрымаць збаўленьне", таму што праведнасьць і збаўленьне - гэта сынонімы. Толькі праведны чалавек можа быць збаўленым чалавекам, набыць жыцьцё вечнае. Манахі вырашалі гэтае пытаньне радыкальна. Яны зыходзілі ў кляштар. І многія тэолягі лічылі, што манаства - гэта гарантыя праведнасьці, гарантыя збаўленьня. XVI стагодзьдзе дало разуменьне, што збаўленьне даецца ласкай.
Добра, я атрымліваю збаўленьне і тым самым я ведаю, што я абраны. Але як мне ведаць, што я не страціў збаўленьня, ці, у кальвінскай інтэрпрэтацыі, як мне ведаць, ці сапраўды я абраны, што мая вера не была эмацыйнай. Я магу гэта ведаць, пацьвярджаючы маё абраньне сьвятым жыцьцём. Калі я ня п'ю, калі не краду, калі не разводжуся, калі я люблю сваіх дзяцей, калі я працую, калі я праяўляю ветлівасьць, гасьціннасьць і г.д., я ведаю, што я абраны. Кожны дзень я пацьвярджаю всаё абраньне сьвятым жыцьцём. Безумоўна, кальвінізм - гэта ў галіне сатэрыялёгіі, тэорыі збаўленьня, адзін з аспэктаў. Існуюць іншыя мадэлі, напрыклад армініянская мадэль, якая прымаецца бальшынёй эвангельскіх грамадаў: як жа ведаць, што я ня страчу збаўленьня. Штодня я мушу пацьвярджаць сваё збаўленьне праведным жыцьцём: я павінны любіць, павінны прабачаць, павінны рабіць дабро, дапамагаць зьнямоглым, разьвіваць свой патэнцыял, рабіць свой унёсак у разьвіцьцё грамадзтва, тады я ведаю, што я збаўлены.
Можна было б сказаць, што ўвесь мой выступ - са сфэры этычнага разважаньня. Але калі зрабіць аналіз становішча, якое існуе ў пратэстанцкіх грамадах, мы прыходзім да цікавых высноваў: статыстычныя (сярод пратэстанцкіх грамадаў) паказальнікі выглядаюць значна лепш за тое, што адбываецца ў сфэры маральнасьці ў нашым грамадзтве. Няма такой праблемы як п'янства. Нас каля 100 000, і алькагалізм выключаецца ў цалкам. Больш за тое, алькаголікі прыходзяць да Бога, набываюць адраджэньне і перастаюць піць. Няма наркаманіі. Няма разводаў, хоць у цэлым у краіне разрываецца 85% шлюбаў. Дэмаграфічная сытуацыя: заахвочваюцца шматдзетныя сем'і, маса сем'яў, дзе 5, 7, 10 дзяцей.
Мноства праблемаў, якія сёньня стаяць перад нашым грамадзтвам, вырашаюцца ў межах пратэстанцкай этыкі, пратэстанцкай духовасьці, і гэта відавочна. Я чытаў зусім нядаўна вынікі І дэмаграфічнага кангрэсу, ініцыятарам якога быў акадэмік Цяўлоўскі, дык вось, далёка не пратэстанты пагаджаюца, што маральная парадыгма эвангельскіх хрысьціянаў вельмі эфэктыўная і адпавядае сучаснай сытуацыі. Таму я думаю, што мы маем нешта, што мы можам даць нашаму грамадзтву для разьвіцьця грамадзянскасьці, разьвіцьця маральнасьці і г.д.
Комментарии:
ИНФОРМАЦИЯ ПО РЕФЕРАТУ:
СТУДЕНТАМ! Уважаемые пользователи нашей Коллекции! Мы напоминаем, что наша коллекция общедоступная. Поэтому может случиться так, что ваш одногруппник также нашел эту работу. Поэтому при использовании данного реферата будьте осторожны. Постарайтесь написать свой - оригинальный и интересный реферат или курсовую работу. Только так вы получите высокую оценку и повысите свои знания.
Если у вас возникнут затруднения - обратитесь в нашу Службу заказа рефератов. Наши опытные специалисты-профессионалы точно и в срок напишут работу любой сложности: от диссертации до реферата. Прочитав такую качественную и полностью готовую к сдаче работу (написанную на основе последних литературных источников) и поработав с ней, вы также повысите ваш образовательный уровень и сэкономите ваше драгоценное время! Ссылки на сайт нашей службы вы можете найти в левом большом меню.
ВЕБ-ИЗДАТЕЛЯМ! Копирование данной работы на другие Интернет-сайты возможно, но с разрешения администрации сайта! Если вы желаете скопировать данную информацию, пожалуйста, обратитесь к администраторам Library.by. Скорее всего, мы любезно разрешим перепечатать необходимый вам текст с маленькими условиями! Любое иное копирование информации незаконно.
Поиск по БЕЛОРУССКИМ рефератам 
